Back

മഹാ ലക്ഷ്മ്യഷ്ടകമ്


ഇംദ്ര ഉവാച -

നമസ്തേഽസ്തു മഹാമായേ ശ്രീപീഠേ സുരപൂജിതേ |
ശംഖചക്ര ഗദാഹസ്തേ മഹാലക്ഷ്മി നമോഽസ്തു തേ || 1 ||

നമസ്തേ ഗരുഡാരൂഢേ കോലാസുര ഭയംകരി |
സര്വപാപഹരേ ദേവി മഹാലക്ഷ്മി നമോഽസ്തു തേ || 2 ||

സര്വജ്ഞേ സര്വവരദേ സര്വ ദുഷ്ട ഭയംകരി |
സര്വദുഃഖ ഹരേ ദേവി മഹാലക്ഷ്മി നമോഽസ്തു തേ || 3 ||

സിദ്ധി ബുദ്ധി പ്രദേ ദേവി ഭുക്തി മുക്തി പ്രദായിനി |
മംത്ര മൂര്തേ സദാ ദേവി മഹാലക്ഷ്മി നമോഽസ്തു തേ || 4 ||

ആദ്യംത രഹിതേ ദേവി ആദിശക്തി മഹേശ്വരി |
യോഗജ്ഞേ യോഗ സംഭൂതേ മഹാലക്ഷ്മി നമോഽസ്തു തേ || 5 ||

സ്ഥൂല സൂക്ഷ്മ മഹാരൌദ്രേ മഹാശക്തി മഹോദരേ |
മഹാ പാപ ഹരേ ദേവി മഹാലക്ഷ്മി നമോഽസ്തു തേ || 6 ||

പദ്മാസന സ്ഥിതേ ദേവി പരബ്രഹ്മ സ്വരൂപിണി |
പരമേശി ജഗന്മാതഃ മഹാലക്ഷ്മി നമോഽസ്തു തേ || 7 ||

ശ്വേതാംബരധരേ ദേവി നാനാലംകാര ഭൂഷിതേ |
ജഗസ്ഥിതേ ജഗന്മാതഃ മഹാലക്ഷ്മി നമോഽസ്തു തേ || 8 ||

മഹാലക്ഷ്മഷ്ടകം സ്തോത്രം യഃ പഠേദ് ഭക്തിമാന് നരഃ |
സര്വ സിദ്ധി മവാപ്നോതി രാജ്യം പ്രാപ്നോതി സര്വദാ ||

ഏകകാലേ പഠേന്നിത്യം മഹാപാപ വിനാശനം |
ദ്വികാലം യഃ പഠേന്നിത്യം ധന ധാന്യ സമന്വിതഃ ||

ത്രികാലം യഃ പഠേന്നിത്യം മഹാശത്രു വിനാശനം |
മഹാലക്ഷ്മീ ര്ഭവേന്-നിത്യം പ്രസന്നാ വരദാ ശുഭാ ||

[ഇംത്യകൃത ശ്രീ മഹാലക്ഷ്മ്യഷ്ടക സ്തോത്രം സംപൂര്ണമ്]

PDF, Full Site (with more options)