ദേവീ മഹാത്മ്യമ് ദുര്ഗാ സപ്തശതി ദശമോഽധ്യായഃ
ശുംഭോവധോ നാമ ദശമോഽധ്യായഃ ||
ഋഷിരുവാച||1||
നിശുംഭം നിഹതം ദൃഷ്ട്വാ ഭ്രാതരംപ്രാണസമ്മിതം|
ഹന്യമാനം ബലം ചൈവ ശുംബഃ കൃദ്ധോഽബ്രവീദ്വചഃ || 2 ||
ബലാവലേപദുഷ്ടേ ത്വം മാ ദുര്ഗേ ഗര്വ മാവഹ|
അന്യാസാം ബലമാശ്രിത്യ യുദ്ദ്യസേ ചാതിമാനിനീ ||3||
ദേവ്യുവാച ||4||
ഏകൈവാഹം ജഗത്യത്ര ദ്വിതീയാ കാ മമാപരാ|
പശ്യൈതാ ദുഷ്ട മയ്യേവ വിശംത്യോ മദ്വിഭൂതയഃ ||5||
തതഃ സമസ്താസ്താ ദേവ്യോ ബ്രഹ്മാണീ പ്രമുഖാലയമ്|
തസ്യാ ദേവ്യാസ്തനൌ ജഗ്മുരേകൈവാസീത്തദാംബികാ ||6||
ദേവ്യുവാച ||6||
അഹം വിഭൂത്യാ ബഹുഭിരിഹ രൂപൈര്യദാസ്ഥിതാ|
തത്സംഹൃതം മയൈകൈവ തിഷ്ടാമ്യാജൌ സ്ഥിരോ ഭവ ||8||
ഋഷിരുവാച ||9||
തതഃ പ്രവവൃതേ യുദ്ധം ദേവ്യാഃ ശുംഭസ്യ ചോഭയോഃ|
പശ്യതാം സര്വദേവാനാം അസുരാണാം ച ദാരുണമ് ||10||
ശര വര്ഷൈഃ ശിതൈഃ ശസ്ത്രൈസ്തഥാ ചാസ്ത്രൈഃ സുദാരുണൈഃ|
തയോര്യുദ്ദമഭൂദ്ഭൂയഃ സര്വലോകഭയജ്ഞ്കരമ് ||11||
ദിവ്യാന്യശ്ത്രാണി ശതശോ മുമുചേ യാന്യഥാംബികാ|
ബഭജ്ഞ താനി ദൈത്യേംദ്രസ്തത്പ്രതീഘ്തകര്തൃഭിഃ ||12||
മുക്താനി തേന ചാസ്ത്രാണി ദിവ്യാനി പരമേശ്വരീ|
ബഭംജ ലീലയൈവോഗ്ര ഹൂജ്കാരോച്ചാരണാദിഭിഃ||13||
തതഃ ശരശതൈര്ദേവീം ആച്ചാദയത സോഽസുരഃ|
സാപി തത്കുപിതാ ദേവീ ധനുശ്ചിഛ്ചേദ ചേഷുഭിഃ||14||
ചിന്നേ ധനുഷി ദൈത്യേംദ്രസ്തഥാ ശക്തിമഥാദദേ|
ചിഛ്ചേദ ദേവീ ചക്രേണ താമപ്യസ്യ കരേസ്ഥിതാമ്||15||
തതഃ ഖഡ്ഗ മുപാദായ ശത ചംദ്രം ച ഭാനുമത്|
അഭ്യധാവത്തദാ ദേവീം ദൈത്യാനാമധിപേശ്വരഃ||16||
തസ്യാപതത ഏവാശു ഖഡ്ഗം ചിച്ഛേദ ചംഡികാ|
ധനുര്മുക്തൈഃ ശിതൈര്ബാണൈശ്ചര്മ ചാര്കകരാമലമ്||17||
ഹതാശ്വഃ പതത ഏവാശു ഖഡ്ഗം ചിഛ്ചേദ ചംഡികാ|
ജഗ്രാഹ മുദ്ഗരം ഘ്രം അംബികാനിധനോദ്യതഃ||18||
ചിച്ഛേദാപതതസ്തസ്യ മുദ്ഗരം നിശിതൈഃ ശരൈഃ|
തഥാപി സോഽഭ്യധാവത്തം മുഷ്ടിമുദ്യമ്യവേഗവാന്||19||
സ മുഷ്ടിം പാതയാമാസ ഹൃദയേ ദൈത്യ പുംഗവഃ|
ദേവ്യാസ്തം ചാപി സാ ദേവീ തലേ നോ രസ്യ താഡയത്||20||
തലപ്രഹാരാഭിഹതോ നിപപാത മഹീതലേ|
സ ദൈത്യരാജഃ സഹസാ പുനരേവ തഥോത്ഥിതഃ||21||
ഉത്പത്യ ച പ്രഗൃഹ്യോച്ചൈര് ദേവീം ഗഗനമാസ്ഥിതഃ|
തത്രാപി സാ നിരാധാരാ യുയുധേ തേന ചംഡികാ||22||
നിയുദ്ധം ഖേ തദാ ദൈത്യ ശ്ചംഡികാ ച പരസ്പരമ്|
ചക്രതുഃ പ്രധമം സിദ്ധ മുനിവിസ്മയകാരകമ്||23||
തതോ നിയുദ്ധം സുചിരം കൃത്വാ തേനാംബികാ സഹ|
ഉത്പാട്യ ഭ്രാമയാമാസ ചിക്ഷേപ ധരണീതലേ||24||
സക്ഷിപ്തോധരണീം പ്രാപ്യ മുഷ്ടിമുദ്യമ്യ വേഗവാന്|
അഭ്യധാവത ദുഷ്ടാത്മാ ചംഡികാനിധനേച്ഛയാ||25||
തമായംതം തതോ ദേവീ സര്വദൈത്യജനേശര്വമ്|
ജഗത്യാം പാതയാമാസ ഭിത്വാ ശൂലേന വക്ഷസി||26||
സ ഗതാസുഃ പപാതോര്വ്യാം ദേവീശൂലാഗ്രവിക്ഷതഃ|
ചാലയന് സകലാം പൃഥ്വീം സാബ്ദിദ്വീപാം സപര്വതാമ് ||27||
തതഃ പ്രസന്ന മഖിലം ഹതേ തസ്മിന് ദുരാത്മനി|
ജഗത്സ്വാസ്ഥ്യമതീവാപ നിര്മലം ചാഭവന്നഭഃ ||28||
ഉത്പാതമേഘഃ സോല്കാ യേപ്രാഗാസംസ്തേ ശമം യയുഃ|
സരിതോ മാര്ഗവാഹിന്യസ്തഥാസംസ്തത്ര പാതിതേ ||29||
തതോ ദേവ ഗണാഃ സര്വേ ഹര്ഷ നിര്ഭരമാനസാഃ|
ബഭൂവുര്നിഹതേ തസ്മിന് ഗംദര്വാ ലലിതം ജഗുഃ||30||
അവാദയം സ്തഥൈവാന്യേ നനൃതുശ്ചാപ്സരോഗണാഃ|
വവുഃ പുണ്യാസ്തഥാ വാതാഃ സുപ്രഭോഽ ഭൂദ്ധിവാകരഃ||31||
ജജ്വലുശ്ചാഗ്നയഃ ശാംതാഃ ശാംതദിഗ്ജനിതസ്വനാഃ||32||
|| സ്വസ്തി ശ്രീ മാര്കംഡേയ പുരാണേ സാവര്നികേമന്വംതരേ ദേവി മഹത്മ്യേ ശുംഭോവധോ നാമ ദശമോ ധ്യായഃ സമാപ്തം ||
ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ കാമേശ്വര്യൈ മഹാഹുതിം സമര്പയാമി നമഃ സ്വാഹാ ||