ಈಶಾವಾಸ್ಯೋಪನಿಷದ್
ಓಂ ಪೂರ್ಣಮದಃ ಪೂರ್ಣಮಿದಂ ಪೂರ್ಣಾತ್ಪೂರ್ಣಮುದಚ್ಯತೇ |
ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವಾವಶಿಷ್ಯತೇ ||
ಓಂ ಶಾಂತಿಃ ಶಾಂತಿಃ ಶಾಂತಿಃ ||
ಓಂ ಈಶಾ ವಾಸ್ಯ'ಮಿದಗ್^ಂ ಸರ್ವಂ ಯತ್ಕಿಂಚ ಜಗ'ತ್ವಾಂ ಜಗ'ತ್ |
ತೇನ' ತ್ಯಕ್ತೇನ' ಭುಂಜೀಥಾ ಮಾ ಗೃ'ಧಃ ಕಸ್ಯ'ಸ್ವಿದ್ಧನಂ'' || 1 ||
ಕುರ್ವನ್ನೇವೇಹ ಕರ್ಮಾ''ಣಿ ಜಿಜೀವಿಷೇಚ್ಚತಗ್^ಂ ಸಮಾ''ಃ |
ಏವಂ ತ್ವಯಿ ನಾನ್ಯಥೇತೋ''ಽಸ್ತಿ ನ ಕರ್ಮ' ಲಿಪ್ಯತೇ' ನರೇ'' || 2 ||
ಅಸುರ್ಯಾ ನಾಮ ತೇ ಲೋಕಾ ಅಂಧೇನ ತಮಸಾಽಽವೃ'ತಾಃ |
ತಾಗಂಸ್ತೇ ಪ್ರೇತ್ಯಾಭಿಗ'ಚ್ಛಂತಿ ಯೇ ಕೇ ಚಾ''ತ್ಮಹನೋ ಜನಾ''ಃ || 3 ||
ಅನೇ''ಜದೇಕಂ ಮನ'ಸೋ ಜವೀ''ಯೋ ನೈನ'ದ್ದೇವಾ ಆ''ಪ್ನುವನ್ಪೂರ್ವಮರ್ಷ'ತ್ |
ತದ್ಧಾವ'ತೋಽನ್ಯಾನತ್ಯೇ''ತಿ ತಿಷ್ಠತ್ತಸ್ಮಿನ್''ನಪೋ ಮಾ''ತರಿಶ್ವಾ'' ದಧಾತಿ || 4 ||
ತದೇ''ಜತಿ ತನ್ನೇಜ'ತಿ ತದ್ದೂರೇ ತದ್ವಂ'ತಿಕೇ |
ತದಂತರ'ಸ್ಯ ಸರ್ವ'ಸ್ಯ ತದು ಸರ್ವ'ಸ್ಯಾಸ್ಯ ಬಾಹ್ಯತಃ || 5 ||
ಯಸ್ತು ಸರ್ವಾ''ಣಿ ಭೂತಾನ್ಯಾತ್ಮನ್ಯೇವಾನುಪಶ್ಯ'ತಿ |
ಸರ್ವಭೂತೇಷು' ಚಾತ್ಮಾನಂ ತತೋ ನ ವಿಹು'ಗುಪ್ಸತೇ || 6 ||
ಯಸ್ಮಿನ್ಸರ್ವಾ''ಣಿ ಭೂತಾನ್ಯಾತ್ಮೈವಾಭೂ''ದ್ವಿಜಾನತಃ |
ತತ್ರ ಕೋ ಮೋಹಃ ಕಃ ಶೋಕಃ' ಏಕತ್ವಮ'ನುಪಶ್ಯ'ತಃ || 7 ||
ಸ ಪರ್ಯ'ಗಾಚ್ಚುಕ್ರಮ'ಕಾಯಮ'ಪ್ರಣಮ'ಸ್ನಾವಿರಗ್^ಂ ಶುದ್ಧಮಪಾ''ಪವಿದ್ಧಂ |
ಕವಿರ್ಮ'ನೀಷೀ ಪ'ರಿಭೂಃ ಸ್ವ'ಯಂಭೂ-ರ್ಯಾ''ಥಾತಥ್ಯತೋಽರ್ಥಾನ್
ವ್ಯ'ದಧಾಚ್ಛಾಶ್ವತೀಭ್ಯಃ ಸಮಾ''ಭ್ಯಃ || 8 ||
ಅಂಧಂ ತಮಃ ಪ್ರವಿ'ಶಂತಿ ಯೇಽವಿ'ದ್ಯಾಮುಪಾಸ'ತೇ |
ತತೋ ಭೂಯ' ಇವ ತೇ ತಮೋ ಯ ಉ' ವಿದ್ಯಾಯಾ''ಗ್^ಂ ರತಾಃ || 9 ||
ಅನ್ಯದೇವಾಯುರಿದ್ಯಯಾಽನ್ಯದಾ''ಹುರವಿ'ದ್ಯಯಾ |
ಇತಿ' ಶುಶುಮ ಧೀರಾ''ಣಾಂ ಯೇ ನಸ್ತದ್ವಿ'ಚಚಕ್ಷಿರೇ || 10 ||
ವಿದ್ಯಾಂ ಚಾವಿ'ದ್ಯಾಂ ಚ ಯಸ್ತದ್ವೇದೋಭಯ'ಗ್^ಂ ಸಹ |
ಅವಿ'ದ್ಯಯಾ ಮೃತ್ಯುಂ ತೀರ್ತ್ವಾ ವಿದ್ಯಯಾಽಮೃತ'ಮಶ್ನುತೇ || 11 ||
ಅಂಧಂ ತಮಃ ಪ್ರವಿ'ಶಂತಿ ಯೇಽಸಂ''ಭೂತಿಮುಪಾಸ'ತೇ |
ತತೋ ಭೂಯ' ಇವ ತೇ ತಮೋ ಯ ಉ ಸಂಭೂ''ತ್ಯಾಗ್^ಂ ರತಾಃ || 12 ||
ಅನ್ಯದೇವಾಹುಃ ಸಂ''ಭವಾದನ್ಯದಾ''ಹುರಸಂ''ಭವಾತ್ |
ಇತಿ' ಶುಶ್ರುಮ ಧೀರಾ''ಣಾಂ ಯೇ ನಸ್ತದ್ವಿ'ಚಚಕ್ಷಿರೇ || 13 ||
ಸಂಭೂ''ತಿಂ ಚ ವಿಣಾಶಂ ಚ ಯಸ್ತದ್ವೇದೋಭಯ'ಗ್^ಂ ಸಹ |
ವಿನಾಶೇನ' ಮೃತ್ಯುಂ ತೀರ್ತ್ವಾ ಸಂಭೂ''ತ್ಯಾಽಮೃತ'ಮಶ್ನುತೇ || 14 ||
ಹಿರಣ್ಮಯೇ''ನ ಪಾತ್ರೇ''ಣ ಸತ್ಯಸ್ಯಾಪಿ'ಹಿತಂ ಮುಖಂ'' |
ತತ್ವಂ ಪೂ''ಷನ್ನಪಾವೃ'ಣು ಸತ್ಯಧ''ರ್ಮಾಯ ದೃಷ್ಟಯೇ'' || 15 ||
ಪೂಷ'ನ್ನೇಕರ್ಷೇ ಯಮ ಸೂರ್ಯ ಪ್ರಾಜಾ''ಪತ್ಯ ವ್ಯೂ''ಹ ರಶ್ಮೀನ್
ಸಮೂ''ಹ ತೇಜೋ ಯತ್ತೇ'' ರೂಪಂ ಕಲ್ಯಾ''ಣತಮಂ ತತ್ತೇ'' ಪಶ್ಯಾಮಿ |
ಯೋಽಸಾವಸೌ ಪುರು'ಷಃ ಸೋಽಹಮ'ಸ್ಮಿ || 16 ||
ವಾಯುರನಿ'ಲಮಮೃತಮಥೇದಂ ಭಸ್ಮಾ''ಂತಗ್ಂ ಶರೀ'ರಂ |
ಓಂ 3 ಕ್ರತೋ ಸ್ಮರ' ಕೃತಗ್^ಂ ಸ್ಮ'ರ ಕ್ರತೋ ಸ್ಮರ' ಕೃತಗ್^ಂ ಸ್ಮ'ರ || 17 ||
ಅಗ್ನೇ ನಯ' ಸುಪಥಾ'' ರಾಯೇ ಅಸ್ಮಾನ್ ವಿಶ್ವಾ'ನಿ ದೇವ ವಯನಾ'ನಿ ವಿದ್ವಾನ್ |
ಯುಯೋಧ್ಯಸ್ಮಜ್ಜು'ಹುರಾಣಮೇನೋ ಭೂಯಿ'ಷ್ಟಾಂ ತೇ ನಮ'ಉಕ್ತಿಂ ವಿಧೇಮ || 18 ||
ಓಂ ಪೂರ್ಣಮದಃ ಪೂರ್ಣಮಿದಂ ಪೂರ್ಣಾತ್ಪೂರ್ಣಮುದಚ್ಯತೇ |
ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವಾವಶಿಷ್ಯತೇ ||
ಓಂ ಶಾಂತಿಃ ಶಾಂತಿಃ ಶಾಂತಿಃ ||