Back

શિવાષ્ટકમ્

પ્રભું પ્રાણનાથં વિભું વિશ્વનાથં જગન્નાથ નાથં સદાનંદ ભાજાં |
ભવદ્ભવ્ય ભૂતેશ્વરં ભૂતનાથં, શિવં શંકરં શંભુ મીશાનમીડે || 1 ||

ગળે રુંડમાલં તનૌ સર્પજાલં મહાકાલ કાલં ગણેશાદિ પાલં |
જટાજૂટ ગંગોત્તરંગૈર્વિશાલં, શિવં શંકરં શંભુ મીશાનમીડે || 2||

મુદામાકરં મંડનં મંડયંતં મહા મંડલં ભસ્મ ભૂષાધરં તમ્ |
અનાદિં હ્યપારં મહા મોહમારં, શિવં શંકરં શંભુ મીશાનમીડે || 3 ||

વટાધો નિવાસં મહાટ્ટાટ્ટહાસં મહાપાપ નાશં સદા સુપ્રકાશમ્ |
ગિરીશં ગણેશં સુરેશં મહેશં, શિવં શંકરં શંભુ મીશાનમીડે || 4 ||

ગિરીંદ્રાત્મજા સંગૃહીતાર્ધદેહં ગિરૌ સંસ્થિતં સર્વદાપન્ન ગેહમ્ |
પરબ્રહ્મ બ્રહ્માદિભિર્-વંદ્યમાનં, શિવં શંકરં શંભુ મીશાનમીડે || 5 ||

કપાલં ત્રિશૂલં કરાભ્યાં દધાનં પદાંભોજ નમ્રાય કામં દદાનમ્ |
બલીવર્ધમાનં સુરાણાં પ્રધાનં, શિવં શંકરં શંભુ મીશાનમીડે || 6 ||

શરચ્ચંદ્ર ગાત્રં ગણાનંદપાત્રં ત્રિનેત્રં પવિત્રં ધનેશસ્ય મિત્રમ્ |
અપર્ણા કળત્રં સદા સચ્ચરિત્રં, શિવં શંકરં શંભુ મીશાનમીડે || 7 ||

હરં સર્પહારં ચિતા ભૂવિહારં ભવં વેદસારં સદા નિર્વિકારં|
શ્મશાને વસંતં મનોજં દહંતં, શિવં શંકરં શંભુ મીશાનમીડે || 8 ||

સ્વયં યઃ પ્રભાતે નરશ્શૂલ પાણે પઠેત્ સ્તોત્રરત્નં ત્વિહપ્રાપ્યરત્નં |
સુપુત્રં સુધાન્યં સુમિત્રં કળત્રં વિચિત્રૈસ્સમારાધ્ય મોક્ષં પ્રયાતિ ||

PDF, Full Site (with more options)