નિત્ય પારાયણ શ્લોકાઃ
પ્રભાત શ્લોકઃ
કરાગ્રે વસતે લક્ષ્મીઃ કરમધ્યે સરસ્વતી |
કરમૂલે સ્થિતા ગૌરી પ્રભાતે કરદર્શનમ્ ||
[પાઠભેદઃ - કરમૂલે તુ ગોવિંદઃ પ્રભાતે કરદર્શનમ્ ||]
પ્રભાત ભૂમિ શ્લોકઃ
સમુદ્ર વસને દેવી પર્વત સ્તન મંડલે |
વિષ્ણુપત્નિ નમસ્તુભ્યં, પાદસ્પર્શં ક્ષમસ્વમે ||
સૂર્યોદય શ્લોકઃ
બ્રહ્મસ્વરૂપ મુદયે મધ્યાહ્નેતુ મહેશ્વરમ્ |
સાહં ધ્યાયેત્સદા વિષ્ણું ત્રિમૂર્તિં ચ દિવાકરમ્ ||
સ્નાન શ્લોકઃ
ગંગે ચ યમુને ચૈવ ગોદાવરી સરસ્વતી
નર્મદે સિંધુ કાવેરી જલેસ્મિન્ સન્નિધિં કુરુ ||
નમસ્કાર શ્લોકઃ
ત્વમેવ માતા ચ પિતા ત્વમેવ, ત્વમેવ બંધુશ્ચ સખા ત્વમેવ |
ત્વમેવ વિદ્યા દ્રવિણં ત્વમેવ, ત્વમેવ સર્વં મમ દેવદેવ ||
ભસ્મ ધારણ શ્લોકઃ
શ્રીકરં ચ પવિત્રં ચ શોક નિવારણમ્ |
લોકે વશીકરં પુંસાં ભસ્મં ત્ર્યૈલોક્ય પાવનમ્ ||
ભોજન પૂર્વ શ્લોકાઃ
બ્રહ્માર્પણં બ્રહ્મ હવિઃ બ્રહ્માગ્નૌ બ્રહ્મણાહુતમ્ |
બ્રહ્મૈવ તેન ગંતવ્યં બ્રહ્મ કર્મ સમાધિનઃ ||
અહં વૈશ્વાનરો ભૂત્વા પ્રાણિનાં દેહમાશ્રિતઃ |
પ્રાણાપાન સમાયુક્તઃ પચામ્યન્નં ચતુર્વિધમ્ ||
અન્નપૂર્ણે સદા પૂર્ણે શંકરપ્રાણવલ્લભે |
જ્ઞાનવૈરાગ્ય સિદ્ધ્યર્થં ભિક્ષાં દેહિ ચ પાર્વતિ ||
ત્વદીયં વસ્તુ ગોવિંદ તુભ્યમેવ સમર્પયે |
ગૃહાણ સુમુખો ભૂત્વા પ્રસીદ પરમેશ્વર ||
ભોજનાનંતર શ્લોકઃ
અગસ્ત્યં વૈનતેયં ચ શમીં ચ બડબાલનમ્ |
આહાર પરિણામાર્થં સ્મરામિ ચ વૃકોદરમ્ ||
સંધ્યા દીપ દર્શન શ્લોકઃ
દીપજ્યોતિઃ પરં બ્રહ્મ દીપજ્યોતિર્જનાર્દનઃ |
દીપો હરતુ મે પાપં દીપજ્યોતિર્નમોઽસ્તુતે ||
શુભં કરોતિ કળ્યાણં આરોગ્યં ધનસંપદઃ |
શત્રુ-બુદ્ધિ-વિનાશાય દીપજ્યોતિર્નમોઽસ્તુતે ||
નિદ્રા શ્લોકઃ
રામં સ્કંધં હનુમંતં વૈનતેયં વૃકોદરં |
શયને યઃ સ્મરેન્નિત્યમ્ દુસ્વપ્ન-સ્તસ્યનશ્યતિ ||
અપરાધ ક્ષમાપણ સ્તોત્રં
અપરાધ સહસ્રાણિ, ક્રિયંતેઽહર્નિશં મયા |
દાસોઽયમિતિ માં મત્વા, ક્ષમસ્વ પરમેશ્વર ||
કરચરણ કૃતં વા કર્મ વાક્કાયજં વા
શ્રવણ નયનજં વા માનસં વાપરાધમ્ |
વિહિત મવિહિતં વા સર્વમેતત્ ક્ષમસ્વ
શિવ શિવ કરુણાબ્ધે શ્રી મહાદેવ શંભો ||
કાયેન વાચા મનસેંદ્રિયૈર્વા
બુદ્ધ્યાત્મના વા પ્રકૃતેઃ સ્વભાવાત્ |
કરોમિ યદ્યત્સકલં પરસ્મૈ
નારાયણાયેતિ સમર્પયામિ ||
દેવ સ્તોત્રાઃ
કાર્ય પ્રારંભ સ્તોત્રાઃ
શુક્લાં બરધરં વિષ્ણું શશિવર્ણમ્ ચતુર્ભુજં |
પ્રસન્નવદનં ધ્યાયેત્ સર્વ વિઘ્નોપશાંતયે ||
યસ્યદ્વિરદ વક્ત્રાદ્યાઃ પારિષદ્યાઃ પરશ્શતં |
વિઘ્નં નિઘ્નંતુ સતતં વિષ્વક્સેનં તમાશ્રયે ||
ગણેશ સ્તોત્રં
વક્રતુંડ મહાકાય સૂર્યકોટિ સમપ્રભઃ |
નિર્વિઘ્નં કુરુ મે દેવ સર્વ કાર્યેષુ સર્વદા ||
અગજાનન પદ્માર્કં ગજાનન મહર્નિશમ્ |
અનેકદંતં ભક્તાના-મેકદંત-મુપાસ્મહે ||
વિષ્ણુ સ્તોત્રં
શાંતાકારં ભુજગશયનં પદ્મનાભં સુરેશં
વિશ્વાધારં ગગન સદૃશં મેઘવર્ણં શુભાંગં |
લક્ષ્મીકાંતં કમલનયનં યોગિહૃદ્ધ્યાનગમ્યં
વંદે વિષ્ણું ભવભયહરં સર્વલોકૈકનાથં ||
ગાયત્રિ મંત્રં
ઓં ભૂર્ભુવસ્સુવઃ | તથ્સ'વિતુર્વરે''ણ્યં |
ભર્ગો' દેવસ્ય' ધીમહિ | ધિયો યો નઃ' પ્રચોદયા''ત્ ||
શિવ સ્તોત્રં
ત્ર્યં'બકં યજામહે સુગંધિં પુ'ષ્ટિવર્ધ'નં |
ઉર્વારુકમિ'વ બંધ'નાન્-મૃત્યો'ર્-મુક્ષીય માઽમૃતા''ત્ ||
વંદે શંભુમુમાપતિં સુરગુરું વંદે જગત્કારણં
વંદે પન્નગભૂષણં શશિધરં વંદે પશૂનાં પતિમ્ |
વંદે સૂર્યશશાંક વહ્નિનયનં વંદે મુકુંદપ્રિયં
વંદે ભક્તજનાશ્રયં ચ વરદં વંદે શિવં શંકરમ્ ||
સુબ્રહ્મણ્ય સ્તોત્રં
શક્તિહસ્તં વિરૂપાક્ષં શિખિવાહં ષડાનનં
દારુણં રિપુરોગઘ્નં ભાવયે કુક્કુટ ધ્વજં |
સ્કંદં ષણ્મુખં દેવં શિવતેજં ચતુર્ભુજં
કુમારં સ્વામિનાધં તં કાર્તિકેયં નમામ્યહં ||
ગુરુ શ્લોકઃ
ગુરુર્બ્રહ્મા ગુરુર્વિષ્ણુઃ ગુરુર્દેવો મહેશ્વરઃ |
ગુરુઃ સાક્ષાત્ પરબ્રહ્મા તસ્મૈ શ્રી ગુરવે નમઃ ||
હનુમ સ્તોત્રાઃ
મનોજવં મારુત તુલ્યવેગં જિતેંદ્રિયં બુદ્ધિમતાં વરિષ્ટં |
વાતાત્મજં વાનરયૂધ મુખ્યં શ્રીરામદૂતં શિરસા નમામિ ||
બુદ્ધિર્બલં યSધૈર્યં નિર્ભયત્વ-મરોગતા |
અજાડ્યં વાક્પટુત્વં ચ હનુમત્-સ્મરણાદ્-ભવેત્ ||
જયત્યતિ બલો રામો લક્ષ્મણસ્ય મહાબલઃ |
રાજા જયતિ સુગ્રીવો રાઘવેણાભિ પાલિતઃ ||
દાસોઽહં કોસલેંદ્રસ્ય રામસ્યાક્લિષ્ટ કર્મણઃ |
હનુમાન્ શત્રુસૈન્યાનાં નિહંતા મારુતાત્મજઃ ||
શ્રીરામ સ્તોત્રાં
શ્રી રામ રામ રામેતિ રમે રામે મનોરમે
સહસ્રનામ તત્તુલ્યં રામ નામ વરાનને
શ્રી રામચંદ્રઃ શ્રિતપારિજાતઃ સમસ્ત કળ્યાણ ગુણાભિરામઃ |
સીતામુખાંભોરુહાચંચરીકો નિરંતરં મંગળમાતનોતુ ||
શ્રીકૃષ્ણ સ્તોત્રં
મંદારમૂલે મદનાભિરામં
બિંબાધરાપૂરિત વેણુનાદં |
ગોગોપ ગોપીજન મધ્યસંસ્થં
ગોપં ભજે ગોકુલ પૂર્ણચંદ્રમ્ ||
ગરુડ સ્વામિ સ્તોત્રં
કુંકુમાંકિતવર્ણાય કુંદેંદુ ધવળાય ચ |
વિષ્ણુ વાહ નમસ્તુભ્યં પક્ષિરાજાય તે નમઃ ||
દક્ષિણામૂર્તિ સ્તોત્રં
ગુરવે સર્વલોકાનાં ભિષજે ભવરોગિણાં |
નિધયે સર્વ વિદ્યાનાં શ્રી દક્ષિણામૂર્તયે નમ ||
સરસ્વતી શ્લોકઃ
સરસ્વતી નમસ્તુભ્યં વરદે કામરૂપિણી |
વિદ્યારંભં કરિષ્યામિ સિદ્ધિર્ભવતુ મે સદા ||
યા કુંદેંદુ તુષાર હાર ધવળા, યા શુભ્ર વસ્ત્રાવૃતા |
યા વીણા વરદંડ મંડિત કરા, યા શ્વેત પદ્માસના |
યા બ્રહ્માચ્યુત શંકર પ્રભૃતિભિર્-દેવૈઃ સદા પૂજિતા |
સા મામ્ પાતુ સરસ્વતી ભગવતી નિશ્શેષજાડ્યાપહા |
લક્ષ્મી શ્લોકઃ
લક્ષ્મીં ક્ષીરસમુદ્ર રાજ તનયાં શ્રીરંગ ધામેશ્વરીં |
દાસીભૂત સમસ્ત દેવ વનિતાં લોકૈક દીપાંકુરામ્ |
શ્રીમન્મંધ કટાક્ષ લબ્ધ વિભવ બ્રહ્મેંદ્ર ગંગાધરાં |
ત્વાં ત્રૈલોક્યકુટુંબિનીં સરસિજાં વંદે મુકુંદપ્રિયામ્ ||
સરસ્વતી સ્તોત્રં
સરસ્વતિ નમસ્તુભ્યં વરદે કામરૂપિણીમ્ |
વિદ્યારંભં કરિષ્યામિ સિધ્ધિર્ભવતુ મે સદા ||
દુર્ગા દેવી સ્તોત્રં
સર્વ સ્વરૂપે સર્વેશે સર્વ શક્તિ સમન્વિતે |
ભયેભ્યસ્તાહિ નો દેવિ દુર્ગાદેવિ નમોસ્તુતે ||
યા કુંદેંદુ તુષારહારધવળા યા શુભ્રવસ્ત્રાવૃતા
યા વીણાવરદંડમંડિતકરા યા શ્વેતપદ્માસના |
યા બ્રહ્માચ્યુત શંકરપ્રભૃતિભિર્દેવૈસ્સદા પૂજિતા
સા માં પાતુ સરસ્વતી ભગવતી નિશ્શેષજાડ્યાપહા |
ત્રિપુરસુંદરી સ્તોત્રં
ઓંકાર પંજર શુકીં ઉપનિષદુદ્યાન કેળિ કલકંઠીમ્ |
આગમ વિપિન મયૂરીં આર્યાં અંતર્વિભાવયેદ્ગૌરીમ્ ||
દેવી શ્લોકઃ
સર્વ મંગલ માંગલ્યે શિવે સર્વાર્થ સાધિકે |
શરણ્યે ત્ર્યંબકે દેવિ નારાયણિ નમોસ્તુતે ||
વેંકટેશ્વર શ્લોકઃ
શ્રિયઃ કાંતાય કળ્યાણનિધયે નિધયેઽર્થિનામ્ |
શ્રી વેંકટ નિવાસાય શ્રીનિવાસાય મંગળમ્ ||
દક્ષિણામૂર્તિ શ્લોકઃ
ગુરવે સર્વલોકાનાં ભિષજે ભવરોગિણાં |
નિધયે સર્વવિદ્યાનાં દક્ષિણામૂર્તયે નમઃ ||
બૌદ્ધ પ્રાર્થન
બુદ્ધં શરણં ગચ્છામિ
ધર્મં શરણં ગચ્છામિ
સંઘં શરણં ગચ્છામિ
શાંતિ મંત્રં
અસતોમા સદ્ગમયા |
તમસોમા જ્યોતિર્ગમયા |
મૃત્યોર્મા અમૃતંગમયા |
ઓં શાંતિઃ શાંતિઃ શાંતિઃ
સર્વે ભવંતુ સુખિનઃ સર્વે સંતુ નિરામયાઃ |
સર્વે ભદ્રાણિ પશ્યંતુ મા કશ્ચિદ્દુઃખ ભાગ્ભવેત્ ||
ઓં સહ ના'વવતુ | સ નૌ' ભુનક્તુ | સહ વીર્યં' કરવાવહૈ |
તેજસ્વિનાવધી'તમસ્તુ મા વિ'દ્વિષાવહૈ'' ||
ઓં શાંતિઃ શાંતિઃ શાંતિઃ' ||
સ્વસ્તિ મંત્રાઃ
સ્વસ્તિ પ્રજાભ્યઃ પરિપાલયંતાં
ન્યાયેન માર્ગેણ મહીં મહીશાઃ |
ગોબ્રાહ્મણેભ્ય-શ્શુભમસ્તુ નિત્યં
લોકા-સ્સમસ્તા-સ્સુખિનો ભવંતુ ||
કાલે વર્ષતુ પર્જન્યઃ પૃથિવી સસ્યશાલિની |
દેશોયં ક્ષોભરહિતો બ્રાહ્મણાસ્સંતુ નિર્ભયાઃ ||
વિશેષ મંત્રાઃ
પંચાક્ષરી મંત્રં - ઓં નમશ્શિવાય
અષ્ટાક્ષરી મંત્રં - ઓં નમો નારાયણાય
દ્વાદશાક્ષરી મંત્રં - ઓં નમો ભગવતે વાસુદેવાય