Back

લક્ષ્મી નૃસિંહ કરાવલંબ સ્તોત્રમ્

શ્રીમત્પયોનિધિનિકેતન ચક્રપાણે ભોગીંદ્રભોગમણિરાજિત પુણ્યમૂર્તે |
યોગીશ શાશ્વત શરણ્ય ભવાબ્ધિપોત લક્ષ્મીનૃસિંહ મમ દેહિ કરાવલંબમ્ || 1 ||

બ્રહ્મેંદ્રરુદ્રમરુદર્કકિરીટકોટિ સંઘ્ટ્ટિતાંઘિકમલામલકાંતિકાંત |
લક્ષ્મીલસત્કુચસરોરુહરાજહંસ લક્ષ્મીનૃસિંહ મમ દેહિ કરાવલંબમ્ || 2 ||

સંસારદાવદહનાકરભીકરોરુ-જ્વાલાવળીભિરતિદગ્ધતનૂરુહસ્ય |
ત્વત્પાદપદ્મસરસીરુહમાગતસ્ય લક્ષ્મીનૃસિંહ મમ દેહિ કરાવલંબમ્ || 3 ||

સંસારજાલપતિતતસ્ય જગન્નિવાસ સર્વેંદ્રિયાર્થ બડિશાગ્ર ઝષોપમસ્ય |
પ્રોત્કંપિત પ્રચુરતાલુક મસ્તકસ્ય લક્ષ્મીનૃસિંહ મમ દેહિ કરાવલંબમ્ || 4 ||

સંસારકૂમપતિઘ્રમગાધમૂલં સંપ્રાપ્ય દુઃખશતસર્પસમાકુલસ્ય |
દીનસ્ય દેવ કૃપયા પદમાગતસ્ય લક્ષ્મીનૃસિંહ મમ દેહિ કરાવલંબમ્ || 5 ||

સંસારભીકરકરીંદ્રકરાભિઘ્ત નિષ્પીડ્યમાનવપુષઃ સકલાર્તિનાશ |
પ્રાણપ્રયાણભવભીતિસમાકુલસ્ય લક્ષ્મીનૃસિંહ મમ દેહિ કરાવલંબમ્ || 6 ||

સંસારસર્પવિષદિગ્ધમહોગ્રતીવ્ર દંષ્ટ્રાગ્રકોટિપરિદષ્ટવિનષ્ટમૂર્તેઃ |
નાગારિવાહન સુધાબ્ધિનિવાસ શૌરે લક્ષ્મીનૃસિંહ મમ દેહિ કરાવલંબમ્ || 7 ||

સંસારવૃક્ષબીજમનંતકર્મ-શાખાયુતં કરણપત્રમનંગપુષ્પમ્ |
આરુહ્ય દુઃખફલિતઃ ચકિતઃ દયાળો લક્ષ્મીનૃસિંહ મમ દેહિ કરાવલંબમ્ || 8 ||

સંસારસાગરવિશાલકરાળકાળ નક્રગ્રહગ્રસિતનિગ્રહવિગ્રહસ્ય |
વ્યગ્રસ્ય રાગનિચયોર્મિનિપીડિતસ્ય લક્ષ્મીનૃસિંહ મમ દેહિ કરાવલંબમ્ || 9 ||

સંસારસાગરનિમજ્જનમુહ્યમાનં દીનં વિલોકય વિભો કરુણાનિધે મામ્ |
પ્રહ્લાદખેદપરિહારપરાવતાર લક્ષ્મીનૃસિંહ મમ દેહિ કરાવલંબમ્ || 10 ||

સંસારઘ્રગહને ચરતો મુરારે મારોગ્રભીકરમૃગપ્રચુરાર્દિતસ્ય |
આર્તસ્ય મત્સરનિદાઘ્સુદુઃખિતસ્ય લક્ષ્મીનૃસિંહ મમ દેહિ કરાવલંબમ્ || 11 ||

બદ્ધ્વા ગલે યમભટા બહુ તર્જયંત કર્ષંતિ યત્ર ભવપાશશતૈર્યુતં મામ્ |
એકાકિનં પરવશં ચકિતં દયાળો લક્ષ્મીનૃસિંહ મમ દેહિ કરાવલંબમ્ || 12 ||

લક્ષ્મીપતે કમલનાભ સુરેશ વિષ્ણો યજ્ઞેશ યજ્ઞ મધુસૂદન વિશ્વરૂપ |
બ્રહ્મણ્ય કેશવ જનાર્દન વાસુદેવ લક્ષ્મીનૃસિંહ મમ દેહિ કરાવલંબમ્ || 13 ||

એકેન ચક્રમપરેણ કરેણ શંખ-મન્યેન સિંધુતનયામવલંબ્ય તિષ્ઠન્ |
વામેતરેણ વરદાભયપદ્મચિહ્નં લક્ષ્મીનૃસિંહ મમ દેહિ કરાવલંબમ્ || 14 ||

અંધસ્ય મે હૃતવિવેકમહાધનસ્ય ચોરૈર્મહાબલિભિરિંદ્રિયનામધેયૈઃ |
મોહાંધકારકુહરે વિનિપાતિતસ્ય લક્ષ્મીનૃસિંહ મમ દેહિ કરાવલંબમ્ || 15 ||

પ્રહ્લાદનારદપરાશરપુંડરીક-વ્યાસાદિભાગવતપુંગવહૃન્નિવાસ |
ભક્તાનુરક્તપરિપાલનપારિજાત લક્ષ્મીનૃસિંહ મમ દેહિ કરાવલંબમ્ || 16 ||

લક્ષ્મીનૃસિંહચરણાબ્જમધુવ્રતેન સ્તોત્રં કૃતં શુભકરં ભુવિ શંકરેણ |
યે તત્પઠંતિ મનુજા હરિભક્તિયુક્તા-સ્તે યાંતિ તત્પદસરોજમખંડરૂપમ્ || 17 ||

PDF, Full Site (with more options)