ગુરુ પાદુકા સ્તોત્રમ્
અનંતસંસાર સમુદ્રતાર નૌકાયિતાભ્યાં ગુરુભક્તિદાભ્યામ્ |
વૈરાગ્યસામ્રાજ્યદપૂજનાભ્યાં નમો નમઃ શ્રીગુરુપાદુકાભ્યામ્ || 1 ||
કવિત્વવારાશિનિશાકરાભ્યાં દૌર્ભાગ્યદાવાં બુદમાલિકાભ્યામ્ |
દૂરિકૃતાનમ્ર વિપત્તતિભ્યાં નમો નમઃ શ્રીગુરુપાદુકાભ્યામ્ || 2 ||
નતા યયોઃ શ્રીપતિતાં સમીયુઃ કદાચિદપ્યાશુ દરિદ્રવર્યાઃ |
મૂકાશ્ર્ચ વાચસ્પતિતાં હિ તાભ્યાં નમો નમઃ શ્રીગુરુપાદુકાભ્યામ્ || 3 ||
નાલીકનીકાશ પદાહૃતાભ્યાં નાનાવિમોહાદિ નિવારિકાભ્યાં |
નમજ્જનાભીષ્ટતતિપ્રદાભ્યાં નમો નમઃ શ્રીગુરુપાદુકાભ્યામ્ || 4 ||
નૃપાલિ મૌલિવ્રજરત્નકાંતિ સરિદ્વિરાજત્ ઝષકન્યકાભ્યાં |
નૃપત્વદાભ્યાં નતલોકપંકતે: નમો નમઃ શ્રીગુરુપાદુકાભ્યામ્ || 5 ||
પાપાંધકારાર્ક પરંપરાભ્યાં તાપત્રયાહીંદ્ર ખગેશ્ર્વરાભ્યાં |
જાડ્યાબ્ધિ સંશોષણ વાડવાભ્યાં નમો નમઃ શ્રીગુરુપાદુકાભ્યામ્ || 6 ||
શમાદિષટ્ક પ્રદવૈભવાભ્યાં સમાધિદાન વ્રતદીક્ષિતાભ્યાં |
રમાધવાંધ્રિસ્થિરભક્તિદાભ્યાં નમો નમઃ શ્રીગુરુપાદુકાભ્યામ્ || 7 ||
સ્વાર્ચાપરાણાં અખિલેષ્ટદાભ્યાં સ્વાહાસહાયાક્ષધુરંધરાભ્યાં |
સ્વાંતાચ્છભાવપ્રદપૂજનાભ્યાં નમો નમઃ શ્રીગુરુપાદુકાભ્યામ્ || 8 ||
કામાદિસર્પ વ્રજગારુડાભ્યાં વિવેકવૈરાગ્ય નિધિપ્રદાભ્યાં |
બોધપ્રદાભ્યાં દૃતમોક્ષદાભ્યાં નમો નમઃ શ્રીગુરુપાદુકાભ્યામ્ || 9 ||