દેવી મહાત્મ્યમ્ દુર્ગા સપ્તશતિ એકાદશોઽધ્યાયઃ
નારાયણીસ્તુતિર્નામ એકાદશોઽધ્યાયઃ ||
ધ્યાનં
ઓં બાલાર્કવિદ્યુતિં ઇંદુકિરીટાં તુંગકુચાં નયનત્રયયુક્તામ્ |
સ્મેરમુખીં વરદાંકુશપાશભીતિકરાં પ્રભજે ભુવનેશીમ્ ||
ઋષિરુવાચ||1||
દેવ્યા હતે તત્ર મહાસુરેંદ્રે
સેંદ્રાઃ સુરા વહ્નિપુરોગમાસ્તામ્|
કાત્યાયનીં તુષ્ટુવુરિષ્ટલાભા-
દ્વિકાસિવક્ત્રાબ્જ વિકાસિતાશાઃ || 2 ||
દેવિ પ્રપન્નાર્તિહરે પ્રસીદ
પ્રસીદ માતર્જગતોઽભિલસ્ય|
પ્રસીદવિશ્વેશ્વરિ પાહિવિશ્વં
ત્વમીશ્વરી દેવિ ચરાચરસ્ય ||3||
આધાર ભૂતા જગતસ્ત્વમેકા
મહીસ્વરૂપેણ યતઃ સ્થિતાસિ
અપાં સ્વરૂપ સ્થિતયા ત્વયૈત
દાપ્યાયતે કૃત્સ્નમલંઘ વીર્યે ||4||
ત્વં વૈષ્ણવીશક્તિરનંતવીર્યા
વિશ્વસ્ય બીજં પરમાસિ માયા|
સમ્મોહિતં દેવિસમસ્ત મેતત્-
ત્ત્વં વૈ પ્રસન્ના ભુવિ મુક્તિહેતુઃ ||5||
વિદ્યાઃ સમસ્તાસ્તવ દેવિ ભેદાઃ|
સ્ત્રિયઃ સમસ્તાઃ સકલા જગત્સુ|
ત્વયૈકયા પૂરિતમંબયૈતત્
કાતે સ્તુતિઃ સ્તવ્યપરાપરોક્તિઃ ||6||
સર્વ ભૂતા યદા દેવી ભુક્તિ મુક્તિપ્રદાયિની|
ત્વં સ્તુતા સ્તુતયે કા વા ભવંતુ પરમોક્તયઃ ||7||
સર્વસ્ય બુદ્ધિરૂપેણ જનસ્ય હૃદિ સંસ્થિતે|
સ્વર્ગાપવર્ગદે દેવિ નારાયણિ નમોઽસ્તુતે ||8||
કલાકાષ્ઠાદિરૂપેણ પરિણામ પ્રદાયિનિ|
વિશ્વસ્યોપરતૌ શક્તે નારાયણિ નમોસ્તુતે ||9||
સર્વ મંગળ માંગળ્યે શિવે સર્વાર્થ સાધિકે|
શરણ્યે ત્રયંબકે ગૌરી નારાયણિ નમોઽસ્તુતે ||10||
સૃષ્ટિસ્થિતિવિનાશાનાં શક્તિભૂતે સનાતનિ|
ગુણાશ્રયે ગુણમયે નારાયણિ નમોઽસ્તુતે ||11||
શરણાગત દીનાર્ત પરિત્રાણપરાયણે|
સર્વસ્યાર્તિહરે દેવિ નારાયણિ નમોઽસ્તુતે ||12||
હંસયુક્ત વિમાનસ્થે બ્રહ્માણી રૂપધારિણી|
કૌશાંભઃ ક્ષરિકે દેવિ નારાયણિ નમોઽસ્તુતે||13||
ત્રિશૂલચંદ્રાહિધરે મહાવૃષભવાહિનિ|
માહેશ્વરી સ્વરૂપેણ નારાયણિ નમોઽસ્તુતે||14||
મયૂર કુક્કુટવૃતે મહાશક્તિધરેઽનઘ્|
કૌમારીરૂપસંસ્થાને નારાયણિ નમોસ્તુતે||15||
શંખચક્રગદાશારંગગૃહીતપરમાયુધે|
પ્રસીદ વૈષ્ણવીરૂપેનારાયણિ નમોઽસ્તુતે||16||
ગૃહીતોગ્રમહાચક્રે દંષ્ત્રોદ્ધૃતવસુંધરે|
વરાહરૂપિણિ શિવે નારાયણિ નમોસ્તુતે||17||
નૃસિંહરૂપેણોગ્રેણ હંતું દૈત્યાન્ કૃતોદ્યમે|
ત્રૈલોક્યત્રાણસહિતે નારાયણિ નમોઽસ્તુતે||18||
કિરીટિનિ મહાવજ્રે સહસ્રનયનોજ્જ્વલે|
વૃત્રપ્રાણહારે ચૈંદ્રિ નારાયણિ નમોઽસ્તુતે||19||
શિવદૂતીસ્વરૂપેણ હતદૈત્ય મહાબલે|
ઘ્રરૂપે મહારાવે નારાયણિ નમોઽસ્તુતે||20||
દંષ્ત્રાકરાળ વદને શિરોમાલાવિભૂષણે|
ચામુંડે મુંડમથને નારાયણિ નમોઽસ્તુતે||21||
લક્ષ્મી લજ્જે મહાવિધ્યે શ્રદ્ધે પુષ્ટિ સ્વધે ધ્રુવે|
મહારાત્રિ મહામાયે નારાયણિ નમોઽસ્તુતે||22||
મેધે સરસ્વતિ વરે ભૂતિ બાભ્રવિ તામસિ|
નિયતે ત્વં પ્રસીદેશે નારાયણિ નમોઽસ્તુતે||23||
સર્વસ્વરૂપે સર્વેશે સર્વશક્તિસમન્વિતે|
ભયેભ્યસ્ત્રાહિ નો દેવિ દુર્ગે દેવિ નમોઽસ્તુતે||24||
એતત્તે વદનં સૌમ્યં લોચનત્રયભૂષિતમ્|
પાતુ નઃ સર્વભૂતેભ્યઃ કાત્યાયિનિ નમોઽસ્તુતે||25||
જ્વાલાકરાળમત્યુગ્રમશેષાસુરસૂદનમ્|
ત્રિશૂલં પાતુ નો ભીતિર્ભદ્રકાલિ નમોઽસ્તુતે||26||
હિનસ્તિ દૈત્યતેજાંસિ સ્વનેનાપૂર્ય યા જગત્|
સા ઘંટા પાતુ નો દેવિ પાપેભ્યો નઃ સુતાનિવ||27||
અસુરાસૃગ્વસાપંકચર્ચિતસ્તે કરોજ્વલઃ|
શુભાય ખડ્ગો ભવતુ ચંડિકે ત્વાં નતા વયમ્||28||
રોગાનશેષાનપહંસિ તુષ્ટા
રુષ્ટા તુ કામા સકલાનભીષ્ટાન્
ત્વામાશ્રિતાનાં ન વિપન્નરાણાં|
ત્વામાશ્રિતા શ્રયતાં પ્રયાંતિ||29||
એતત્કૃતં યત્કદનં ત્વયાદ્ય
દર્મદ્વિષાં દેવિ મહાસુરાણામ્|
રૂપૈરનેકૈર્ભહુધાત્મમૂર્તિં
કૃત્વાંભિકે તત્પ્રકરોતિ કાન્યા||30||
વિદ્યાસુ શાસ્ત્રેષુ વિવેક દીપે
ષ્વાદ્યેષુ વાક્યેષુ ચ કા ત્વદન્યા
મમત્વગર્તેઽતિ મહાંધકારે
વિભ્રામયત્યેતદતીવ વિશ્વમ્||31||
રક્ષાંસિ યત્રો ગ્રવિષાશ્ચ નાગા
યત્રારયો દસ્યુબલાનિ યત્ર|
દવાનલો યત્ર તથાબ્ધિમધ્યે
તત્ર સ્થિતા ત્વં પરિપાસિ વિશ્વમ્||32||
વિશ્વેશ્વરિ ત્વં પરિપાસિ વિશ્વં
વિશ્વાત્મિકા ધારયસીતિ વિશ્વમ્|
વિશ્વેશવંધ્યા ભવતી ભવંતિ
વિશ્વાશ્રયા યેત્વયિ ભક્તિનમ્રાઃ||33||
દેવિ પ્રસીદ પરિપાલય નોઽરિ
ભીતેર્નિત્યં યથાસુરવદાદધુનૈવ સદ્યઃ|
પાપાનિ સર્વ જગતાં પ્રશમં નયાશુ
ઉત્પાતપાકજનિતાંશ્ચ મહોપસર્ગાન્||34||
પ્રણતાનાં પ્રસીદ ત્વં દેવિ વિશ્વાર્તિ હારિણિ|
ત્રૈલોક્યવાસિનામીડ્યે લોકાનાં વરદા ભવ||35||
દેવ્યુવાચ||36||
વરદાહં સુરગણા પરં યન્મનસેચ્ચથ|
તં વૃણુધ્વં પ્રયચ્છામિ જગતામુપકારકમ્||37||
દેવા ઊચુઃ||38||
સર્વબાધા પ્રશમનં ત્રૈલોક્યસ્યાખિલેશ્વરિ|
એવમેવ ત્વયાકાર્ય મસ્મદ્વૈરિ વિનાશનમ્||39||
દેવ્યુવાચ||40||
વૈવસ્વતેઽંતરે પ્રાપ્તે અષ્ટાવિંશતિમે યુગે|
શુંભો નિશુંભશ્ચૈવાન્યાવુત્પત્સ્યેતે મહાસુરૌ||41||
નંદગોપગૃહે જાતા યશોદાગર્ભ સંભવા|
તતસ્તૌનાશયિષ્યામિ વિંધ્યાચલનિવાસિની||42||
પુનરપ્યતિરૌદ્રેણ રૂપેણ પૃથિવીતલે|
અવતીર્ય હવિષ્યામિ વૈપ્રચિત્તાંસ્તુ દાનવાન્||43||
ભક્ષ્ય યંત્યાશ્ચ તાનુગ્રાન્ વૈપ્રચિત્તાન્ મહાસુરાન્|
રક્તદંતા ભવિષ્યંતિ દાડિમીકુસુમોપમાઃ||44||
તતો માં દેવતાઃ સ્વર્ગે મર્ત્યલોકે ચ માનવાઃ|
સ્તુવંતો વ્યાહરિષ્યંતિ સતતં રક્તદંતિકામ્||45||
ભૂયશ્ચ શતવાર્ષિક્યાં અનાવૃષ્ટ્યામનંભસિ|
મુનિભિઃ સંસ્તુતા ભૂમૌ સંભવિષ્યામ્યયોનિજા||46||
તતઃ શતેન નેત્રાણાં નિરીક્ષિષ્યામ્યહં મુનીન્
કીર્તિયિષ્યંતિ મનુજાઃ શતાક્ષીમિતિ માં તતઃ||47||
તતોઽ હમખિલં લોકમાત્મદેહસમુદ્ભવૈઃ|
ભરિષ્યામિ સુરાઃ શાકૈરાવૃષ્ટેઃ પ્રાણ ધારકૈઃ||48||
શાકંભરીતિ વિખ્યાતિં તદા યાસ્યામ્યહં ભુવિ|
તત્રૈવ ચ વધિષ્યામિ દુર્ગમાખ્યં મહાસુરમ્||49||
દુર્ગાદેવીતિ વિખ્યાતં તન્મે નામ ભવિષ્યતિ|
પુનશ્ચાહં યદાભીમં રૂપં કૃત્વા હિમાચલે||50||
રક્ષાંસિ ક્ષયયિષ્યામિ મુનીનાં ત્રાણ કારણાત્|
તદા માં મુનયઃ સર્વે સ્તોષ્યંત્યાન મ્રમૂર્તયઃ||51||
ભીમાદેવીતિ વિખ્યાતં તન્મે નામ ભવિષ્યતિ|
યદારુણાખ્યસ્ત્રૈલક્યે મહાબાધાં કરિષ્યતિ||52||
તદાહં ભ્રામરં રૂપં કૃત્વાસજ્ખ્યેયષટ્પદમ્|
ત્રૈલોક્યસ્ય હિતાર્થાય વધિષ્યામિ મહાસુરમ્||53||
ભ્રામરીતિચ માં લોકા સ્તદાસ્તોષ્યંતિ સર્વતઃ|
ઇત્થં યદા યદા બાધા દાનવોત્થા ભવિષ્યતિ||54||
તદા તદાવતીર્યાહં કરિષ્યામ્યરિસંક્ષયમ્ ||55||
|| સ્વસ્તિ શ્રી માર્કંડેય પુરાણે સાવર્નિકે મન્વંતરે દેવિ મહત્મ્યે નારાયણીસ્તુતિર્નામ એકાદશોઽધ્યાયઃ સમાપ્તં ||
આહુતિ
ઓં ક્લીં જયંતી સાંગાયૈ સશક્તિકાયૈ સપરિવારાયૈ સવાહનાયૈ લક્ષ્મીબીજાધિષ્તાયૈ ગરુડવાહન્યૈ નારયણી દેવ્યૈ-મહાહુતિં સમર્પયામિ નમઃ સ્વાહા ||