Back

ભર્તૃહરેઃ શતક ત્રિશતિ - વૈરાગ્ય શતકમ્


ચૂડોત્તંસિતચંદ્રચારુકલિકાચંચચ્છિખાભાસ્વરો
લીલાદગ્ધવિલોલકામશલભઃ શ્રેયોદશાગ્રે સ્ફુરન્ |
અંતઃસ્ફૂર્જદ્^^અપારમોહતિમિરપ્રાગ્ભારં ઉચ્ચાટયન્
શ્વેતઃસદ્મનિ યોગિનાં વિજયતે જ્ઞાનપ્રદીપો હરઃ || 3૤1 ||

ભ્રાંતં દેશં અનેકદુર્ગવિષમં પ્રાપ્તં ન કિંચિત્ફલં
ત્યક્ત્વા જાતિકુલાભિમાનં ઉચિતં સેવા કૃતા નિષ્ફલા |
ભુક્તં માનવિવર્જિતં પરગૃહેષ્વાશંકયા કાકવત્
તૃષ્ણે જૃંભસિ પાપકર્મપિશુને નાદ્યાપિ સંતુષ્યસિ || 3૤2 ||

ઉત્ખાતં નિધિશંકયા ક્ષિતિતલં ધ્માતા ગિરેર્ધાતવો
નિસ્તીર્ણઃ સરિતાં પતિર્નૃપતયો યત્નેન સંતોષિતાઃ |
મંત્રારાધનતત્પરેણ મનસા નીતાઃ શ્મશાને નિશાઃ
પ્રાપ્તઃ કાણવરાટકોઽપિ ન મયા તૃષ્ણે સકામા ભવ || 3૤3 ||

ખલાલાપાઃ સૌઢાઃ કથં અપિ તદ્^^આરાધનપરૈર્નિગૃહ્યાંતર્
બાષ્પં હસિતં અપિ શૂન્યેન મનસા |
કૃતો વિત્તસ્તંભપ્રતિહતધિયાં અંજલિરપિ
ત્વં આશે મોઘાશે કિમ અપરં અતો નર્તયસિ માં || 3૤4 ||

અમીષાં પ્રાણાનાં તુલિતવિસિનીપત્રપયસાં
કૃતે કિં નાસ્માભિર્વિગલિતવિવેકૈર્વ્યવસિતં |
યદ્^^આઢ્યાનાં અગ્રે દ્રવિણમદનિઃસંજ્ઞમનસાં
કૃતં માવવ્રીડૈર્નિજગુણકથાપાતકં અપિ || 3૤5 ||

ક્ષાંતં ન ક્ષમયા ગૃહોચિતસુખં ત્યક્તં ન સંતોષતઃ
સોઢો દુઃસહશીતતાપપવનક્લેશો ન તપ્તં તપઃ |
ધ્યાતં વિત્તં અહર્નિશં નિત્યમિતપ્રાણૈર્ન શંભોઃ પદં
તત્તત્કર્મ કૃતં યદેવ મુનિભિસ્તૈસ્તૈઃ ફલૈર્વંચિતાઃ || 3૤6 ||

ભોગા ન ભુક્તા વયં એવ ભુક્તાસ્
તપો ન તપ્તં વયં એવ તપ્તાઃ |
કાલો ન યાતો વયં એવ યાતાસ્તૃષ્ણા
ન જીર્ણા વયં એવ જીર્ણાઃ || 3૤7 ||

બલિભિર્મુખં આક્રાંતં પલિતેનાંકિતં શિરઃ |
ગાત્રાણિ શિથિલાયંતે તૃષ્ણૈકા તરુણાયતે || 3૤8 ||

વિવેકવ્યાકોશે વિદધતિ સમે શામ્યતિ તૃષા
પરિષ્વંગે તુંગે પ્રસરતિતરાં સા પરિણતા |
જરાજીર્ણૈશ્વર્યગ્રસનગહનાક્ષેપકૃપણસ્તૃષાપાત્રં
યસ્યાં ભવતિ મરુતાં અપ્યધિપતિઃ || 3૤81 ||

નિવૃત્તા ભોગેચ્છા પુરુષબહુમાનોઽપિ ગલિતઃ
સમાનાઃ સ્વર્યાતાઃ સપદિ સુહૃદો જીવિતસમાઃ |
શનૈર્યષ્ટ્યુત્થાનં ઘનતિમિરરુદ્ધે ચ નયને
અહો મૂઢઃ કાયસ્તદપિ મરણાપાયચકિતઃ || 3૤9 ||

આશા નામ નદી મનોરથજલા તૃષ્ણાતરંગાકુલા
રાગગ્રાહવતી વિતર્કવિહગા ધૈર્યદ્રુમધ્વંસિની |
મોહાવર્તસુદુસ્તરાતિગહના પ્રોત્તુંગચિંતાતટી
તસ્યાઃ પરગતા વિશુદ્ધં અલસો નંદંતિ યોગીશ્વરાઃ || 3૤10 ||

ન સંસારોત્પન્નં ચરિતં અનુપશ્યામિ કુશલં
વિપાકઃ પુણ્યાનાં જનયતિ ભયં મે વિમૃશતઃ |
મહદ્ભિઃ પુણ્યૌઘૈશ્ચિરપરિગૃહીતાશ્ચ વિષયા
મહાંતો જાયંતે વ્યસનં ઇવ દાતું વિષયિણાં || 3૤11 ||

અવશ્યં યાતારશ્ચિરતરં ઉષિત્વાપિ વિષયા
વિયોગે કો ભેદસ્ત્યજતિ ન જનો યત્સ્વયં અમૂન્ |
વ્રજંતઃ સ્વાતંત્ર્યાદતુલપરિતાપાય મનસઃ
સ્વયં ત્યક્તા હ્યેતે શમસુખં અનંતં વિદધતિ || 3૤12 ||

બ્રહ્મજ્ઞાનવિવેકનિર્મલધિયઃ કુર્વંત્યહો દુષ્કરં
યન્મુંચંત્યુપભોગભાંજ્યપિ ધનાન્યેકાંતતો નિઃસ્પૃહાઃ |
સંપ્રાતાન્ન પુરા ન સંપ્રતિ ન ચ પ્રાપ્તૌ દૃઢપ્રત્યયાન્
વાંછામાત્રપરિગ્રહાનપિ પરં ત્યક્તું ન શક્તા વયં || 3૤13 ||

ધન્યાનાં ગિરિકંદરેષુ વસતાં જ્યોતિઃ પરં ધ્યાયતામાનંદાશ્રુ
જલં પિબંતિ શકુના નિઃશંકં અંકેશયાઃ |
અસ્માકં તુ મનોરથોપરચિતપ્રાસાદવાપીતટક્રીડા
કાનનકેલિકૌતુકજુષાં આયુઃ પરં ક્ષીયતે || 3૤14 ||

ભિક્ષાશતં તદપિ નીરસં એકબારં
શય્યા ચ ભૂઃ પરિજનો નિજદેહમાત્રં |
વસ્ત્રં વિશીર્ણશતખંડમયી ચ કંથા
હા હા તથાપિ વિષયા ન પરિત્યજંતિ || 3૤15 ||

સ્તનૌ માંસગ્રંથી કનકકલશાવિત્યુપમિતી
મુખં શ્લેષ્માગારં તદપિ ચ શશાંકેન તુલિતં |
સ્રવન્મૂત્રક્લિન્નં કરિવરશિરસ્પર્ધિ જઘનં
મુહુર્નિંદ્યં રૂપં કવિજનવિશેષૈર્ગુરુકૃતં || 3૤16 ||

એકો રાગિષુ રાજતે પ્રિયતમાદેહાર્ધહારી હરો
નીરાગેષુ જનો વિમુક્તલલનાસંગો ન યસ્માત્પરઃ |
દુર્વારસ્મરબાણપન્નગવિષવ્યાબિદ્ધમુગ્ધો જનઃ
શેષઃ કામવિડંબિતાન્ન વિષયાન્ભોક્તું ન મોક્તું ક્ષમઃ || 3૤17 ||

અજાનંદાહાત્મ્યં પતતુ શલભસ્તીવ્રદહને
સ મીનોઽપ્યજ્ઞાનાદ્બડિશયુતં અશ્નાતુ પિશિતં |
વિજાનંતોઽપ્યેતે વયં ઇહ વિયજ્જાલજટિલાન્
ન મુંચામઃ કાનાં અહહ ગહનો મોહમહિમા || 3૤18 ||

તૃષા શુષ્યત્યાસ્યે પિબતિ સલિલં શીતમધુરં
ક્ષુધાર્તઃ શાલ્યન્નં કવલયતિ માંસાદિકલિતં |
પ્રદીપ્તે કામાગ્નૌ સુદૃઢતરં આલિંગતિ વધૂં
પ્રતીકારં વ્યાધઃ સુખં ઇતિ વિપર્યસ્યતિ જનઃ || 3૤19 ||

તુંગં વેશ્મ સુતાઃ સતાં અભિમતાઃ સંખ્યાતિગાઃ સંપદઃ
કલ્યાણી દયિતા વયશ્ચ નવં ઇત્યજ્ઞાનમૂઢો જનઃ |
મત્વા વિશ્વં અનશ્વરં નિવિશતે સંસારકારાગૃહે
સંદૃશ્ય ક્ષણભંગુરં તદખિલં ધન્યસ્તુ સન્ન્યસ્યતિ || 3૤20 ||

દીના દીનમુખૈઃ સદૈવ શિશુકૈરાકૃષ્ટજીર્ણાંબરા
ક્રોશદ્ભિઃ ક્ષુધિતૈર્નિરન્નવિધુરા દૃશ્યા ન ચેદ્ગેહિની |
યાચ્ઞાભંગભયેન ગદ્ગદગલત્રુટ્યદ્વિલીનાક્ષરં
કો દેહીતિ વદેત્સ્વદગ્ધજઠરસ્યાર્થે મનસ્વી પુમાન્ || 3૤21 ||

અભિમતમહામાનગ્રંથિપ્રભેદપટીયસી
ગુરુતરગુણગ્રામાભોજસ્ફુટોજ્જ્વલચંદ્રિકા |
વિપુલવિલલ્લજ્જાવલ્લીવિતાનકુઠારિકા
જઠરપિઠરી દુસ્પુરેયં કરોતિ વિડંબનં || 3૤22 ||

પુણ્યે ગ્રામે વને વા મહતિ સિતપટચ્છન્નપાલી કપાલિં
હ્યાદાય ન્યાયગર્ભદ્વિજહુતહુતભુગ્ધૂમધૂમ્રોપકંઠે |
દ્વારં દ્વારં પ્રવિષ્ટો વરં ઉદરદરીપૂરણાય ક્ષુધાર્તો
માની પ્રાણૈઃ સનાથો ન પુનરનુદિનં તુલ્યકુલ્યેસુ દીનઃ || 3૤23 ||

ગંગાતરંગકણશીકરશીતલાનિ
વિદ્યાધરાધ્યુષિતચારુશિલાતલાનિ |
સ્થાનાનિ કિં હિમવતઃ પ્રલયં ગતાનિ
યત્સાવમાનપરપિંડરતા મનુષ્યાઃ || 3૤24 ||

કિં કંદાઃ કંદરેભ્યઃ પ્રલયં ઉપગતા નિર્ઝરા વા ગિરિભ્યઃ
પ્રધ્વસ્તા વા તરુભ્યઃ સરસગલભૃતો વલ્કલિન્યશ્ચ શાખાઃ |
વીક્ષ્યંતે યન્મુખાનિ પ્રસભં અપગતપ્રશ્રયાણાં ખલાનાં
દુઃખાપ્તસ્વલ્પવિત્તસ્મયપવનવશાનર્તિતભ્રૂલતાનિ || 3૤25 ||

પુણ્યૈર્મૂલફલૈસ્તથા પ્રણયિનીં વૃત્તિં કુરુષ્વાધુના
ભૂશય્યાં નવપલ્લવૈરકૃપણૈરુત્તિષ્ઠ યાવો વનં |
ક્ષુદ્રાણાં અવિવેકમૂઢમનસાં યત્રેશ્વરાણાં સદા
વિત્તવ્યાધિવિકારવિહ્વલગિરાં નામાપિ ન શ્રૂયતે || 3૤26 ||

ફલં સ્વેચ્છાલભ્યં પ્રતિવનં અખેદં ક્ષિતિરુહાં
પયઃ સ્થાને સ્થાને શિશિરમધુરં પુણ્યસરિતાં |
મૃદુસ્પર્શા શય્યા સુલલિતલતાપલ્લવમયી
સહંતે સંતાપં તદપિ ધનિનાં દ્વારિ કૃપણાઃ || 3૤27 ||

યે વર્તંતે ધનપતિપુરઃ પ્રાર્થનાદુઃખભાજો
યે ચાલ્પત્વં દધતિ વિષયાક્ષેપપર્યાપ્તબુદ્ધેઃ |
તેષાં અંતઃસ્ફુરિતહસિતં વાસરાણિ સ્મરેયં
ધ્યાનચ્છેદે શિખરિકુહરગ્રાવશય્યાનિષણ્ણઃ || 3૤28 ||

યે સંતોષનિરંતરપ્રમુદિતસ્તેષાં ન ભિન્ના મુદો
યે ત્વન્યે ધનલુબ્ધસંકલધિયસ્તેસાં ન તૃષ્ણાહતા |
ઇત્થં કસ્ય કૃતે કુતઃ સ વિધિના કીદૃક્પદં સંપદાં
સ્વાત્મન્યેવ સમાપ્તહેમમહિમા મેરુર્ન મે રોચતે || 3૤29 ||

ભિક્ષાહારં અદૈન્યં અપ્રતિસુખં ભીતિચ્છિદં સર્વતો
દુર્માત્સર્યમદાભિમાનમથનં દુઃખૌઘવિધ્વંસનં |
સર્વત્રાન્વહં અપ્રયત્નસુલભં સાધુપ્રિયં પાવનં
શંભોઃ સત્રં અવાયં અક્ષયનિધિં શંસંતિ યોગીશ્વરાઃ || 3૤30 ||

ભોગે રોગમયં કુલે ચ્યુતિભયં વિત્તે નૃપાલાદ્ભયં
માને ધૈન્યભયં બલે રિપુભયં રૂપે જરાય ભયં |
શાસ્ત્રે વાદિભયં ગુણે ખલભયં કાયે કૃતાંતાદ્ભયં
સર્વં વસ્તુ ભયાન્વિતં ભુવિ ન્\'઎9ણાં વૈરાગ્યં એવાભયં || 3૤31 ||

આક્રાંતં મરણેન જન્મ જરસા ચાત્યુજ્જ્વલં યૌવનં
સંતોષો ધનલિપ્સયા શમમુખં પ્રૌઢાંગનાવિભ્રમૈઃ |
લોકૈર્મત્સરિભિર્ગુણા વનભુવો વ્યાલૈર્નૃપા દુર્જનૈર્
અસ્થૈર્યેણ વિભૂતયોઽપ્યપહતા ગ્રસ્તં ન કિં કેન વા || 3૤32 ||

આધિવ્યાધિશતૈર્જનસ્ય વિવિધૈરારોગ્યં ઉન્મૂલ્યતે
લક્ષ્મીર્યત્ર પતંતિ તત્ર વિવૃતદ્વારા ઇવ વ્યાપદઃ |
જાતં જાતં અવશ્યં આશુ વિવશં મૃત્યુઃ કરોત્યાત્મસાત્
તત્કિં તેન નિરંકુશેન વિધિના યન્નિર્મિતં સુસ્થિરં || 3૤33 ||

ભોગાસ્તુંગતરંગભંગતરલાઃ પ્રાણાઃ ક્ષણધ્વંસિનઃ
સ્તોકાન્યેવ દિનાનિ યૌવનસુખં સ્ફૂર્તિઃ પ્રિયાસુ સ્થિતા |
તત્સંસારં અસારં એવ નિખિલં બુદ્ધ્વા બુધા બોધકા
લોકાનુગ્રહપેશલેન મનસા યત્નઃ સમાધીયતાં || 3૤34 ||

ભોગા મેઘવિતાનમધ્યવિલસત્સૌદામિનીચંચલા
આયુર્વાયુવિઘટ્ટિતાબ્જપટલીલીનાંબુવદ્ભંગુરં |
લીલા યૌવનલાલસાસ્તનુભૃતાં ઇત્યાકલય્ય દ્રુતં
યોગે ધૈર્યસમાધિસિદ્ધિસુલભે બુદ્ધિં વિદધ્વં બુધાઃ || 3૤35 ||

આયુઃ કલ્લોલલોલં કતિપયદિવસસ્થાયિની યૌવનશ્રીર્
અર્થાઃ સંકલ્પકલ્પા ઘનસમયતડિદ્વિભ્રમા ભોગપૂગાઃ |
કંઠાશ્લેષોપગૂઢ તદપિ ચ ન ચિરં યત્પ્રિયાભઃ પ્રણીતં
બ્રહ્મણ્યાસક્તચિત્તા ભવત ભવમયાંભોધિપારં તરીતું || 3૤36 ||

કૃચ્છ્રેણામેધ્યમધ્યે નિયમિતતનુભિઃ સ્થીયતે ગર્ભવાસે
કાંતાવિશ્લેષદુઃખવ્યતિકરવિષમો યૌવને ચોપભોગઃ |
વામાક્ષીણાં અવજ્ઞાવિહસિતવસતિર્વૃદ્ધભાવોઽન્યસાધુઃ
સંસારે રે મનુષ્યા વદત યદિ સુખં સ્વલ્પં અપ્યસ્તિ કિંચિથ્ || 3૤37 ||

વ્યાઘ્રીવ તિષ્ઠતિ જરા પરિતર્જયંતી
રોગાશ્ચ શત્રવ ઇવ પ્રહરંતિ દેહં |
આયુઃ પરિસ્રવંતિ ભિન્નઘટાદિવાંભો
લોકસ્તથાપ્યહિતં આચરતીતિ ચિત્રં || 3૤38 ||

ભોગા ભંગુરવૃત્તયો બહુવિધાસ્તૈરેવ ચાયં ભવસ્તત્
કસ્યેહ કૃતે પરિભ્રમત રે લોકાઃ કૃતં ચેષ્ટતૈઃ |
આશાપાશશતાપશાંતિવિશદં ચેતઃસમાધીયતાં
કામોત્પત્તિવશાત્સ્વધામનિ યદિ શ્રદ્દેયં અસ્મદ્વચઃ || 3૤39 ||

સખે ધન્યાઃ કેચિત્ત્રુટિતભવબંધવ્યતિકરા
વનાંતે ચિત્તાંતર્વિષં અવિષયાશીત્વિષગતાઃ |
શરચ્ચંદ્રજ્યોત્સ્નાધવલગગનાભોગસુભગાં
નયંતે યે રાત્રિં સુકૃતચયચિંતૈકશરણાઃ || 3૤391 ||

બ્રહ્મેંદ્રાદિમરુદ્ગણાંસ્તૃણકણાન્યત્ર સ્થિતો મન્યતે
યત્સ્વાદાદ્વિરસા ભવંતિ વિભવાસ્ત્રૈલોક્યરાજ્યાદયઃ |
ભોગઃ કોઽપિ સ એવ એક પરમો નિત્યોદિતો જૃંભતે
ભોઃ સાધો ક્ષણભંગુરે તદિતરે ભોગે રતિં મા કૃથાઃ || 3૤40 ||

સા રમ્યા નગરી મહાન્સ નૃપતિઃ સામંતચક્રં ચ તત્
પાર્શ્વે તસ્ય ચ સા વિદગ્ધપરિષત્તાશ્ચંદ્રબિંબાનનાઃ |
ઉદ્વૃત્તઃ સ રાજપુત્રનિવહસ્તે વંદિનસ્તાઃ કથાઃ
સર્વં યસ્ય વશાદગાત્સ્મૃતિપથં કાલાય તસ્મૈ નમઃ || 3૤41 ||

યત્રાનેકઃ ક્વચિદપિ ગૃહે તત્ર તિષ્ઠત્યથૈકો
યત્રાપ્યેકસ્તદનુ બહવસ્તત્ર નૈકોઽપિ ચાંતે |
ઇત્થં નયૌ રજનિદિવસૌ લોલયંદ્વાવિવાક્ષૌ
કાલઃ કલ્યો ભુવનફલકે ક્રડતિ પ્રાણિશારૈઃ || 3૤42 ||

આદિત્યસ્ય ગતાગતૈરહરહઃ સંક્ષીયતે જીવિતં
વ્યાપારૈર્બહુકાર્યભારગુરુભિઃ કાલોઽપિ ન જ્ઞાયતે |
દૃષ્ટ્વા જન્મજરાવિપત્તિમરણં ત્રાસશ્ચ નોત્પદ્યતે
પીત્વા મોહમયીં પ્રમાદમદિરાં ઉન્મત્તભૂતં જગથ્ || 3૤43 ||

રાત્રિઃ સૈવ પુનઃ સ એવ દિવસો મત્વા મુધા જંતવો
ધાવંત્યુદ્યમિનસ્તથૈવ નિભૃતપ્રારબ્ધતત્તત્ક્રિયાઃ |
વ્યાપારૈઃ પુનર્^^ઉક્તભૂતવિષયૈરિત્થં વિધેનામુના
સંસારેણ કદર્થિતા વયં અહો મોહાન્ન લજ્જામહે || 3૤44 ||

ન ધ્યાનં પદં ઈશ્વરસ્ય વિધિવત્સંસારવિચ્છિત્તયે
સ્વર્ગદ્વારકપાટપાટનપટુર્ધર્મોઽપિ નોપાર્જિતઃ |
નારીપીનપયોધરોરુયુગલં સ્વપ્નેઽપિ નાલિંગિતં
માતુઃ કેવલં એવ યૌવનવનચ્છેદે કુઠારા વયં || 3૤45 ||

નાભ્યસ્તા પ્રતિવાદિવૃંદદમની વિદ્યા વિનીતોચિતા
ખડ્ગાગ્રૈઃ કરિકુંભપીઠદલનૈર્નાકં ન નીતં યશઃ |
કાંતાકોઉમ્^^અલપલ્લવાધરરસઃ પીતો ન ચંદ્રોદયે
તારુણ્યં ગતં એવ નિષ્ફલં અહો શૂન્યાલયે દીપવથ્ || 3૤46 ||

વિદ્યા નાધિગતા કલંકરહિતા વિત્તં ચ નોપાર્જિતં
શુશ્રૂષાપિ સમાહિતેન મનસા પિત્રોર્ન સંપાદિતા |
આલોલાયતલોચનાઃ પ્રિયતમાઃ સ્વપ્નેઽપિ નાલિંગિતાઃ
કાલોઽયં પરપિંડલોલુપતયા કાકૈરિવ પ્રેર્યતે || 3૤47 ||

વયં યેભ્યો જાતાશ્ચિરપરિગતા એવ ખલુ તે
સમં યૈઃ સંવૃદ્ધાઃ સ્મૃતિવિષયતાં તેઽપિ ગમિતાઃ |
ઇદાનીં એતે સ્મઃ પ્રતિદિવસં આસન્નપતના
ગતાસ્તુલ્યાવસ્થાં સિકતિલનદીતીરતરુભિઃ || 3૤48 ||

આયુર્વર્ષશતં ન્\'઎9ણાં પરિમિતં રાત્રૌ તદ્^^અર્ધં ગતં
તસ્યાર્ધસ્ય પરસ્ય ચાર્ધં અપરં બાલત્વવૃદ્ધત્વયોઃ |
શેષં વ્યાધિવિયોગદુઃખસહિતં સેવાદિભિર્નીયતે
જીવે વારિતરંગચંચલતરે સૌખ્યં કુતઃ પ્રાણિનાં || 3૤49 ||

ક્ષણં બાલો ભૂત્વા ક્ષણં પૈ યુવા કામરસિકઃ
ક્ષણં વિત્તૈર્હીનઃ ક્ષણં અપિ ચ સંપૂર્ણવિભવઃ |
જરાજીર્ણૈરંગૈર્નટ ઇવ બલીમંડિતતનૂર્
નરઃ સંસારાંતે વિશતિ યમધાનીયવનિકાં || 3૤50 ||

ત્વં રાજા વયં અપ્યુપાસિતગુરુપ્રજ્ઞાભિમાનોન્નતાઃ
ખ્યાતસ્ત્વં વિભવૈર્યશાંસિ કવયો દિક્ષુ પ્રતન્વંતિ નઃ |
ઇત્થં માનધનાતિદૂરં ઉભયોરપ્યાવયોરંતરં
યદ્યસ્માસુ પરાઙ્મુખોઽસિ વયં અપ્યેકાંતતો નિઃસ્પૃહા || 3૤51 ||

અર્થાનાં ઈશિષે ત્વં વયં અપિ ચ ગિરાં ઈશ્મહે યાવદર્થં
શૂરસ્ત્વં વાદિદર્પવ્યુપશમનવિધાવક્ષયં પાટવં નઃ |
સેવંતે ત્વાં ધનાઢ્યા મતિમલહતયેમાં અપિ શ્રોતુકામામય્ય્
અપ્યાસ્થા ન તે ચેત્ત્વયિ મમ નિતરાં એવ રાજન્નનાસ્થા || 3૤52 ||

વયં ઇહ પરિતુષ્ટા વલ્કલૈસ્ત્વં દુકૂલૈઃ
સમ ઇહ પરિતોષો નિર્વિશેષો વિશેષઃ |
સ તુ ભવતુ દરિદ્રો યસ્ય તૃષ્ણા વિશાલા
મનસિ ચ પરિતુષ્ટે કોઽર્થવાન્કો દરિદ્રઃ || 3૤53 ||

ફલં અલં અશનાય સ્વાદુ પાનાય તોયં
ક્ષિતિરપિ શયનાર્થં વાસસે વલ્કલં ચ |
નવઘનમધુપાનભ્રાંતસર્વેંદ્રિયાણામવિનયમ્
અનુમંતું નોત્સહે દુર્જનાનાં || 3૤54 ||

અશ્નીમહિ વયં ભિક્ષાં આશાવાસો વસીમહિ |
શયીમહિ મહીપૃષ્ઠે કુર્વીમહિ કિં ઈશ્વરૈઃ || 3૤55 ||

ન નટા ના વિટા ન ગાયકા ન ચ સભ્યેતરવાદચુંચવઃ |
નૃપં ઈક્ષિતું અત્ર કે વયં સ્તનભારાનમિતા ન યોષિતઃ || 3૤56 ||

વિપુલહૃદયૈરીશૈરેતજ્જગજ્જનિતં પુરા
વિધૃતં અપરૈર્દત્તં ચાન્યૈર્વિજિત્ય તૃણં યથા |
ઇહ હિ ભુવનાન્યન્યૈર્ધીરાશ્ચતુર્દશ ભુંજતે
કતિપયપુરસ્વામ્યે પુંસાં ક એષ મદજ્વરઃ || 3૤57 ||

અભુક્તાયાં યસ્યાં ક્ષણં અપિ ન યાતં નૃપશતૈર્
ધુવસ્તસ્યા લાભે ક ઇવ બહુમાનઃ ક્ષિતિભૃતાં |
તદ્^^અંશસ્યાપ્યંશે તદ્^^અવયલેશેઽપિ પતયો
વિષાદે કર્તવ્યે વિદધતિ જડાઃ પ્રત્યુત મુદં || 3૤58 ||

મૃત્પિંડો જલરેખયા બલયતિઃ સર્વોઽપ્યયં નન્વણુઃ
સ્વાંશીકૃત્ય સ એવ સંગરશતૈ રાજ્ઞાં ગણા ભુંજતે |
યે દદ્યુર્દદતોઽથવા કિં અપરં ક્ષુદ્રા દરિદ્રં ભૃશં
ધિગ્ધિક્તાન્પુરુષાધમાંધનકણાન્વાંછંતિ તેભ્યોઽપિ યે || 3૤59 ||

સ જાતઃ કોઽપ્યાસીન્મદનરિપુણા મૂર્ધ્નિ ધવલં
કપાલં યસ્યોચ્ચૈર્વિનિહિતં અલંકારવિધયે |
નૃભિઃ પ્રાણત્રાણપ્રવણમતિભિઃ કૈશ્ચિદધુના
નમદ્ભિઃ કઃ પુંસાં અયં અતુલદર્પજ્વરભરઃ || 3૤60 ||

પરેષાં ચેતાંસિ પ્રતિદિવસં આરાધ્ય બહુધા
પ્રસાદં કિં નેતું વિશસિ હૃદય ક્લેશકલિતં |
પ્રસન્ને ત્વય્યંતઃસવયમુદિતચિંતામણિગણો
વિવિક્તઃ સંકલ્પઃ કિં અભિલષિતં પુષ્યતિ ન તે || 3૤61 ||

સત્યાં એવ ત્રિલોકીસરિતિ હરશિરશ્ચુંબિનીવચ્છટાયાં
સદ્વૃત્તિં કલ્પયંત્યાં બટવિટપભવૈર્વલ્કલૈઃ સત્ફલૈશ્ચ |
કોઽયં વિદ્વાન્વિપત્તિજ્વરજનિતરુજાતીવદુઃખાસિકાનાં
વક્ત્રં વીક્ષેત દુઃસ્થે યદિ હિ ન વિભૃયાત્સ્વે કુટુંબેઽનુકંપાં || 3૤611 ||

પરિભ્રમસિ કિં મુધા ક્વચન ચિત્ત વિશ્રામ્યતાં
સ્વયં ભવતિ યદ્યથા ભવતિ તત્તથા નાન્યથા |
અતીતં અનનુસ્મરન્નપિ ચ ભાવ્યસંકલ્પયન્નતર્કિત
સમાગમાનુભવામિ ભોગનાહં || 3૤62 ||

એતસ્માદ્વિરમેંદ્રિયાર્થગહનાદાયાસકાદાશ્રયશ્રેયો
માર્ગં અશેષદુઃખશમનવ્યાપારદક્ષં ક્ષણાત્ |
સ્વાત્મીભાવં ઉપૈહિ સંત્યજ નિજાં કલ્લોલલોલં ગતિં
મા ભૂયો ભજ ભંગુરાં ભવરતિં ચેતઃ પ્રસીદાધુના || 3૤63 ||

મોહં માર્જય તાં ઉપાર્જય રતિં ચંદ્રાર્ધચૂડામણૌ
ચેતઃ સ્વર્ગતરંગિણીતટભુવાં આસંગં અંગીકુરુ |
કો વા વીચિષુ બુદ્બુદેષુ ચ તડિલ્લેખાસુ ચ શ્રીષુ ચ
જ્વાલાગ્રેષુ ચ પન્નગેષુ સરિદ્વેગેષુ ચ ચપ્રત્યયઃ || 3૤64 ||

ચેતશ્ચિંતય મા રમાં સકૃદિમાં અસ્થાયિનીં આસ્થયા
ભૂપાલભ્રુકુટીકુટીવિહરણવ્યાપારપણ્યાંગનાં |
કંથાકંચુકિનઃ પ્રવિશ્ય ભવનદ્વારાણિ વારાણસીરથ્યા
પંક્તિષુ પાણિપાત્રપતિતાં ભિક્ષાં અપેક્ષામહે || 3૤65 ||

અગ્રે ગીતં સરસકવયઃ પાર્શ્વયોર્દાક્ષિણાત્યાઃ
પશ્ચાલ્લીલાવલયરણિતં ચામરગ્રાહિણીનાં |
યદ્યસ્ત્યેવં કુરુ ભવરસાસ્વાદને લંપટત્વં
નો ચેચ્ચેતઃ પ્રવિશ સહસા નિર્વિકલ્પે સમાધૌ || 3૤66 ||

પ્રાપ્તાઃ શ્રિયઃ સકલકામદુધાસ્તતઃ કિં
ન્યસ્તં પદં શિરસિ વિદ્વિષતાં તતઃ કિં |
સંપાદિતાઃ પ્રણયિનો વિભવૈસ્તતઃ કિં
કલ્પં સ્થિતાસ્તનુભૃતાં તનવસ્તતઃ કિં || 3૤67 ||

ભક્તિર્ભવે મરણજન્મભયં હૃદિસ્થં
સ્નેહો ન બંધુષુ ન મન્મથજા વિકારાઃ |
સંસર્જ દોષરહિતા વિજયા વનાંતા
વૈરાગ્યં અસ્તિ કિં ઇતઃ પરમર્થનીયં || 3૤68 ||

તસ્માદનંતં અજરં પરમં વિકાસિ
તદ્બ્રહ્મ ચિંતય કિં એભિરસદ્વિકલ્પૈઃ |
યસ્યાનુષંગિણ ઇમે ભુવનાધિપત્યભોગાદયઃ
કૃપણલોકમતા ભવંતિ || 3૤69 ||

પાતાલં આવિશસિ યાસિ નભો વિલંઘ્ય
દિઙ્મંડલં ભ્રમસિ માનસ ચાપલેન |
ભ્રાંત્યાપિ જાતુ વિમલં કથં આત્મનીનં
ન બ્રહ્મ સંસરસિ વિર્વૃતિમં એષિ યેન || 3૤70 ||

કિં વેદૈઃ સ્મૃતિભિઃ પુરાણપઠનૈઃ શાસ્ત્રૈર્મહાવિસ્તરૈઃ
સ્વર્ગગ્રામકુટીનિવાસફલદૈઃ કર્મક્રિયાવિભ્રમૈઃ |
મુક્ત્વૈકં ભવદુઃખભારરચનાવિધ્વંસકાલાનલં
સ્વાત્માનંદપદપ્રવેશકલનં શેસૈર્વાણિગ્વૃત્તિભિઃ || 3૤71 ||

નાયં તે સમયો રહસ્યં અધુના નિદ્રાતિ નાથો યદિ
સ્થિત્વા દ્રક્ષ્યતિ કુપ્યતિ પ્રભુરિતિ દ્વારેષુ યેષાં વચઃ |
ચેતસ્તાનપહાય યાહિ ભવનં દેવસ્ય વિશ્વેશિતુર્
નિર્દૌવારિકનિર્દયોક્ત્ય્^^અપરુષં નિઃસોઉમ્^^અશર્મપ્રદં || 3૤711 ||

યતો મેરુઃ શ્રીમાન્નિપતતિ યુગાંતાગ્નિવલિતઃ
સમુદ્રાઃ શુષ્યંતિ પ્રચુરમકરગ્રાહનિલયાઃ |
ધરા ગચ્છત્યંતં ધરણિધરપાદૈરપિ ધૃતા
શરીરે કા વાર્તા કરિકલભકર્ણાગ્રચપલે || 3૤72 ||

ગાત્રં સંકુચિતં ગતિર્વિગલિતા ભ્રષ્ટા ચ દંતાવલિર્
દૃષ્ટિર્નક્ષ્યતિ વર્ધતે વધિરતા વક્ત્રં ચ લાલાયતે |
વાક્યં નાદ્રિયતે ચ બાંધવજનો ભાર્યા ન શુશ્રૂષતે
હા કષ્ટં પુરુષસ્ય જીર્ણવયસઃ પુત્રોઽપ્યમિત્રાયતે || 3૤73 ||

વર્ણં સિતં શિરસિ વીક્ષ્ય શિરોરુહાણાં
સ્થાનં જરાપરિભવસ્ય તદા પુમાંસં |
આરોપિતાંસ્થિશતકં પરિહૃત્ય યાંતિ
ચંડાલકૂપં ઇવ દૂરતરં તરુણ્યઃ || 3૤74 ||

યાવત્સ્વસ્થં ઇદં શરીરં અરુજં યાવચ્ચ દૂરે જરા
યાવચ્ચેંદ્રિયશક્તિરપ્રતિહતા યાવત્ક્ષયો નાયુષઃ |
આત્મશ્રેયસિ તાવદેવ વિદુષા કાર્યઃ પ્રયત્નો મહાન્
સંદીપ્તે ભવને તુ કૂપખનનં પ્રત્યુદ્યમઃ કીદૃશઃ || 3૤75 ||

તપસ્યંતઃ સંતઃ કિં અધિનિવસામઃ સુરનદીં
ગુણોદારાંદારાનુત પરિચરામઃ સવિનયં |
પિબામઃ શાસ્ત્રૌઘાનુતવિવિધકાવ્યામૃતરસાન્
ન વિદ્મઃ કિં કુર્મઃ કતિપયનિમેષાયુષિ જને || 3૤76 ||

દુરારાધ્યાશ્ચામી તુરગચલચિત્તાઃ ક્ષિતિભુજો
વયં તુ સ્થૂલેચ્છાઃ સુમહતિ ફલે બદ્ધમનસઃ |
જરા દેહં મૃત્યુર્હરતિ દયિતં જીવિતં ઇદં
સખે નાન્યચ્છ્રેયો જગતિ વિદુષેઽન્યત્ર તપસઃ || 3૤77 ||

માને મ્લાયિનિ ખંડિતે ચ વસુનિ વ્યર્થે પ્રયાતેઽર્થિનિ
ક્ષીણે બંધુજને ગતે પરિજને નષ્ટે શનૈર્યૌવને |
યુક્તં કેવલં એતદેવ સુધિયાં યજ્જહ્નુકન્યાપયઃપૂતાગ્રાવ
ગિરીંદ્રકંદરતટીકુંજે નિવાસઃ ક્વચિથ્ || 3૤78 ||

રમ્યાશ્ચંદ્રમરીચયસ્તૃણવતી રમ્યા વનાંતસ્થલી
રમ્યં સાધુસમાગમાગતસુખં કાવ્યેષુ રમ્યાઃ કથાઃ |
કોપોપાહિતબાષ્પબિંદુતરલં રમ્યં પ્રિયાયા મુખં
સર્વં રમ્યં અનિત્યતાં ઉપગતે ચિત્તે ન કિંચિત્પુનઃ || 3૤79 ||

રમ્યં હર્મ્યતલં ન કિં વસતયે શ્રવ્યં ન ગેયાદિકં
કિં વા પ્રાણસમાસમાગમસુખં નૈવાધિકપ્રીતયે |
કિંતુ ભ્રાંતપતંગક્ષપવનવ્યાલોલદીપાંકુરચ્છાયા
ચંચલં આકલય્ય સકલં સંતો વનાંતં ગતાઃ || 3૤80 ||

આ સંસારાત્ત્રિભુવનં ઇદં ચિન્વતાં તાત્તાદૃઙ્નૈવાસ્માકં
નયનપદવીં શ્રોત્રમાર્ગં ગતો વા |
યોઽયં ધત્તે વિષયકરિણો ગાઢગૂઢાભિમાનક્ષીવસ્યાંતઃ
કરણકરિણઃ સંયમાલાનલીલાં || 3૤81 ||

યદેતત્સ્વચ્છંદં વિહરણં અકાર્પણ્યં અશનં
સહાર્યૈઃ સંવાસઃ શ્રુતં ઉપશમૈકવ્રતફલં |
મનો મંદસ્પંદં બહિરપિ ચિરસ્યાપિ વિમૃશન્ન
જાને કસ્યૈષા પરિણતિરુદારસ્ય તપસઃ || 3૤82 ||

જીર્ણા એવ મનોરથાશ્ચ હૃદયે યાતં ચ તદ્યૌવનં
હંતાંગેષુ ગુણાશ્બંધ્યફલતાં યાતા ગુણજ્ઞૈર્વિના |
કિં યુક્તં સહસાભ્યુપૈતિ બલવાન્કાલઃ કૃતાંતોઽક્ષમી
હા જ્ઞાતં મદનાંતકાંઘ્રિયુગલં મુક્ત્વાસ્તિ નાન્યો ગતિઃ || 3૤83 ||

મહેશ્વરે વા જગતાં અધીશ્વરે
જનાર્દને વા જગદ્^^અંતરાત્મનિ |
ન વસ્તુભેદપ્રતિપત્તિરસ્તિ મે
તથાપિ ભક્તિસ્તરુણેંદુશેખરે || 3૤84 ||

સ્ફુરત્સ્ફારજ્યોત્સ્નાધવલિતતલે ક્વાપિ પુલિને
સુખાસીનાઃ શાંતધ્વંતિસુ રજનીષુ દ્યુસરિતઃ |
ભવાભોગોદ્વિગ્નાઃ શિવ શિવ શિવેત્યુચ્ચવચસઃ
કદા યાસ્યામોઽતર્ગતબહુલબાષ્પાકુલદશાં || 3૤85 ||

મહાદેવો દેવઃ સરિદપિ ચ સૈષા સુરસરિદ્ગુહા
એવાગારં વસનં અપિ તા એવ હરિતઃ |
સુહૃદા કાલોઽયં વ્રતં ઇદં અદૈન્યવ્રતં ઇદં
કિયદ્વા વક્ષ્યામો વટવિટપ એવાસ્તુ દયિતા || 3૤ ||

વિતીર્ણે સર્વસ્વે તરુણકરુણાપૂર્ણહૃદયાઃ
સ્મરંતઃ સંસારે વિગુણપરિણામાં વિધિગતિં |
વયં પુણ્યારણ્યે પરિણતશરચ્ચંદ્રકિરણાસ્
ત્રિયામા નેસ્યામો હરચરણચિંતૈકશરણાઃ || 3૤86 ||

કદા વારાણસ્યાં અમરતટિનીરોધસિ વસન્
વસાનઃ કૌપીનં શિરસિ નિદધાનોઽંજલિપુટં |
અયે ગૌરીનાથ ત્રિપુરહર શંભો ત્રિનયન
પ્રસીદેત્યાક્રોશન્નિમિષં ઇવ નેષ્યામિ દિવસાન્ || 3૤87 ||

ઉદ્યાનેષુ વિચિત્રભોજનવિધિસ્તીવ્રાતિતીવ્રં તપઃ
કૌપીનાવરણં સુવસ્ત્રં અમિતં ભિક્ષાટનં મંડનં |
આસન્નં મરણં ચ મંગલસમં યસ્યાં સમુત્પદ્યતે
તાં કાશીં પરિહૃત્ય હંત વિબુધૈરન્યત્ર કિં સ્થીયતે || 3૤ ||

સ્નાત્વા ગાંગૈઃ પયોભિઃ શુચિકુસુમફલૈરર્ચયિત્વા વિભો ત્વા
ધ્યેયે ધ્યાનં નિવેશ્ય ક્ષિતિધરકુહરગ્રાવપર્યંકમૂલે |
આત્મારામઃ ફલાશી ગુરુવચનરતસ્ત્વત્પ્રસાદાત્સ્મરારે
દુઃખં મોક્ષ્યે કદાહં સમકરચરણે પુંસિ સેવાસમુત્થં || 3૤88 ||

એકાકી નિઃસ્પૃહઃ શાંતઃ પાણિપાત્રો દિગંબરઃ |
કદા શંભો ભવિષ્યામિ કર્મનિર્મૂલનક્ષમઃ || 3૤89 ||

પાણિં પાત્રયતાં નિસર્ગશુચિના ભૈક્ષેણ સંતુષ્યતાં
યત્ર ક્વાપિ નિષીદતાં બહુતૃણં વિશ્વં મુહુઃ પશ્યતાં |
અત્યાગેઽપિ તનોરખંડપરમાનંદાવબોધસ્પૃશા
મધ્વા કોઽપિ શિવપ્રસાદસુલભઃ સંપત્સ્યતે યોગિનાં || 3૤90 ||

કૌપીનં શતખંડજર્જરતરં કંથા પુનસ્તાદૃશી
નૈશ્ચિંત્યં નિરપેક્ષભૈક્ષ્યં અશનં નિદ્રા શ્મશાને વને |
સ્વાતંત્ર્યેણ નિરંકુશં વિહરણં સ્વાંતં પ્રશાંતં સદા
સ્થૈર્યં યોગમહોત્સવેઽપિ ચ યદિ ત્રૈલોક્યરાજ્યેન કિં || 3૤91 ||

બ્રહ્માંડં મંડલીમાત્રં કિં લોભાય મનસ્વિનઃ |
શફરીસ્ફુર્તેનાબ્ધિઃ ક્ષુબ્ધો ન ખલુ જાયતે || 3૤92 ||

માતર્લક્ષ્મિ ભજસ્વ કંચિદપરં મત્કાંક્ષિણી મા સ્મ ભૂર્
ભોગેષુ સ્પૃહયાલવસ્તવ વશે કા નિઃસ્પૃહાણાં અસિ |
સદ્યઃ સ્યૂતપલાશપત્રપુટિકાપાત્રૈઃ પવિત્રીકૃતૈર્
ભિક્ષાવસ્તુભિરેવ સંપ્રતિ વયં વૃત્તિં સમીહામહે || 3૤93 ||

મહાશય્યા પૃથ્વી વિપુલં ઉપધાનં ભુજલતાં
વિતાનં ચાકાશં વ્યજનં અનુકૂલોઽયં અનિલઃ |
શરચ્ચંદ્રો દીપો વિરતિવનિતાસંગમુદિતઃ
સુખી શાંતઃ શેતે મુનિરતનુભૂતિર્નૃપ ઇવ || 3૤94 ||

ભિક્ષાસી જનમધ્યસંગરહિતઃ સ્વાયત્તચેષ્ટઃ સદા
હાનાદાનવિરક્તમાર્ગનિરતઃ કશ્ચિત્તપસ્વી સ્થિતઃ |
રથ્યાકીર્ણવિશીર્ણજીર્ણવસનઃ સંપ્રાપ્તકંથાસનો
નિર્માનો નિરહંકૃતિઃ શમસુખાભોગૈકબદ્ધસ્પૃહઃ || 3૤95 ||

ચંડાલઃ કિં અયં દ્વિજાતિરથવા શૂદ્રોઽથ કિં તાપસઃ
કિં વા તત્ત્વવિવેકપેશલમતિર્યોગીશ્વરઃ કોઽપિ કિં |
ઇત્યુત્પન્નવિકલ્પજલ્પમુખરૈરાભાષ્યમાણા જનૈર્
ન ક્રુદ્ધાઃ પથિ નૈવ તુષ્ટમનસો યાંતિ સ્વયં યોગિનઃ || 3૤96 ||

હિંસાશૂન્યં અયત્નલભ્યં અશનં ધાત્રા મરુત્કલ્પિતં
વ્યાલાનં પશવસ્તૃણાંકુરભુજસ્તુષ્ટાઃ સ્થલીશાયિનઃ |
સંસારાર્ણવલંઘનક્ષમધિયાં વૃત્તિઃ કૃતા સા નૃણાં
તાં અન્વેષયતાં પ્રયાંતિ સતતં સર્વં સમાપ્તિં ગુણાઃ || 3૤97 ||

ગંગાતીરે હિમગિરિશિલાબદ્ધપદ્માસનસ્ય
બ્રહ્મધ્યાનાભ્યસનવિધિના યોગનિદ્રાં ગતસ્ય |
કિં તૈર્ભાવ્યં મમ સુદિવસૈર્યત્ર તે નિર્વિશંકાઃ
કંડૂયંતે જરઠહરિણાઃ સ્વાંગં અંગે મદીયે || 3૤98 ||

જીર્ણાઃ કંથા તતઃ કિં સિતં અમલપટં પટ્ટસૂત્રં તતઃ કિં
એકા ભાર્યા તતઃ કિં હયકરિસુગણૈરાવૃતો વા તતઃ કિં |
ભક્તં ભુક્તં તતઃ કિં કદશનં અથવા વાસરાંતે તતઃ કિં
વ્યક્તજ્યોતિર્ન વાંતર્મથિતભવભયં વૈભવં વા તતઃ કિં || 3૤ ||

પાણિઃ પાત્રં પવિત્રં ભ્રમણપરિગતં ભૈક્ષ્યં અક્ષય્યં અન્નં
વિસ્તીર્ણં વસ્ત્રં આશાદશકં અચપલં તલ્પં અસ્વલ્પં ઉર્વીં |
યેષાં નિઃસંગતાંગીકરણપરિણતસ્વાંતસંતોષિણસ્તે
ધન્યાઃ સંન્યસ્તદૈન્યવ્યતિકરનિકરાઃ કર્મ નિર્મૂલયંતિ || 3૤99 ||

ત્રૈલોક્યાધિપતિત્વં એવ વિરસં યસ્મિન્મહાશાસને
તલ્લબ્ધ્વાસનવસ્ત્રમાનઘટને ભોગે રતિં મા કૃથાઃ |
ભોગઃ કોઽપિ સ એક એવ પરમો નિત્યોદિતા જૃંભને
યત્સ્વાદાદ્વિરસા ભવંતિ વિસયાસ્ત્રૈલોક્યરાજ્યાદયઃ || 3૤991 ||

માતર્મેદિનિ તાત મારુતિ સખે તેજઃ સુબંધો જલ
ભ્રાતર્વ્યોઉમ્^^અ નિબદ્ધ એષ ભવતાં અંત્યઃ પ્રણામાંજલિઃ |
યુષ્મત્સંગવશોપજાતસુકૃતસ્ફારસ્ફુરન્નિર્મલજ્ઞાનાપાસ્ત
સમસ્તમોહમહિમા લીને પરબ્રહ્મણિ || 3૤100 ||

શય્યા શૈલશિલાગૃહં ગિરિગુહા વસ્ત્રં તરુણાં ત્વચઃ
સારંગાઃ સુહૃદો નનુ ક્ષિતિરુહાં વૃત્તિઃ ફલૈઃ કોઉમ્^^અલૈઃ |
યેસાં નિર્ઝરં અંબુપાનં ઉચિતં રત્યૈ તુ વિદ્યાંગના
મન્યે તે પરમેશ્વરાઃ શિરસિ યરિ બદ્ધો ન સેવાંજલિઃ || 3૤1001 ||

ધૈર્યં યસ્ય પિતા ક્ષમા ચ જનની શાંતિશ્ચિરં ગેહિની
સત્યં મિત્રં ઇદં દયા ચ ભગિની ભ્રાતા મનઃસંયમઃ |
શય્યા ભૂમિતલં દિશોઽપિ વસનં જ્ઞાનામૃતં ભોજનં
હ્યેતે યસ્ય કુટુંબિનો વદ સખે કસ્માદ્ભયં યોગિનઃ || 3૤1002 ||

અહો વા હારે વા બલવતિ રિપૌ વા સુહૃદિ વા
મણૌ વા લોષ્ઠે વા કુસુમશયને વા દૃષદિ વા |
તૃણે વા સ્ત્રૈણે વા મમ સમદૃશો યાંતિ દિવસાઃ
ક્વચિત્પુણ્યારણ્યે શિવ શિવ શિવેતિ પ્રલપતઃ || 3૤1003 ||

PDF, Full Site (with more options)