śrī vēṅkaṭēśvara vajra kavacha stōtram
mārkaṇḍēya uvāca
nārāyaṇaṃ parabrahma sarvakāraṇa kārakaṃ
prapadyē veṅkaṭēśākhyāṃ tadēva kavacaṃ mama
sahasraśīrṣā puruṣō vēṅkaṭēśaśśirō vatu
prāṇēśaḥ prāṇanilayaḥ prāṇāṇ rakṣatu mē hariḥ
ākāśarāṭ sutānātha ātmānaṃ mē sadāvatu
dēvadēvōttamōpāyāddēhaṃ mē vēṅkaṭēśvaraḥ
sarvatra sarvakālēṣu maṅgāmbājāniśvaraḥ
pālayēnmāṃ sadā karmasāphalyaṃ naḥ prayacChatu
ya ētadvajrakavacamabhēdyaṃ vēṅkaṭēśituḥ
sāyaṃ prātaḥ paṭhēnnityaṃ mṛtyuṃ tarati nirbhayaḥ
iti śrī veṅkaṭēsvara vajrakavacastōtraṃ sampūrṇaṃ ||