nārāyaṇa sūktam
ōṃ saha nā'vavatu | saha nau' bhunaktu | saha vīryaṃ' karavāvahai |
tējasvināvadhī'tamastu mā vi'dviṣāvahai'' ||
ōṃ śāntiḥ śāntiḥ śāntiḥ' ||
ōṃ || sahasraśīr'ṣaṃ dēvaṃ viśvākṣaṃ' viśvaśaṃ'bhuvam |
viśvaṃ' nārāya'ṇaṃ dēvamakṣaraṃ' paramaṃ padam |
viśvataḥ para'mānnityaṃ viśvaṃ nā'rāyaṇagṃ ha'rim |
viśva'mēvēdaṃ puru'ṣa-stadviśva-mupa'jīvati |
patiṃ viśva'syātmēśva'ragṃ śāśva'tagṃ śiva-ma'chyutam |
nārāyaṇaṃ ma'hājJṇēyaṃ viśvātmā'naṃ parāya'ṇam |
nārāyaṇapa'rō jyōtirātmā nā'rāyaṇaḥ pa'raḥ |
nārāyaṇaparaṃ' brahma tattvaṃ nā'rāyaṇaḥ pa'raḥ |
nārāyaṇapa'rō dhyātā dhyānaṃ nā'rāyaṇaḥ pa'raḥ |
yaccha' kiñchijjagatsarvaṃ dṛśyatē'' śrūyatē'pi' vā ||
anta'rbahiścha' tatsarvaṃ vyāpya nā'rāyaṇaḥ sthi'taḥ |
anantamavyayaṃ' kavigṃ sa'mudrē'ntaṃ' viśvaśaṃ'bhuvam |
padmakōśa-pra'tīkāśagṃ hṛdayaṃ' chāpyadhōmu'kham |
adhō' niṣṭyā vi'tasyāntē nābhyāmu'pari tiṣṭha'ti |
jvālamālāku'laṃ bhātī viśvasyā'yatanaṃ ma'hat |
santa'tagṃ śilābhi'stu lamba'tyākōśasanni'bham |
tasyāntē' suṣiragṃ sūkṣmaṃ tasmin'' sarvaṃ prati'ṣṭhitam |
tasya madhyē' mahāna'gni-rviśvārchi'-rviśvatō'mukhaḥ |
sō'gra'bhugvibha'jantiṣṭha-nnāhā'ramajaraḥ kaviḥ |
tiryagūrdhvama'dhaśśāyī raśmaya'stasya santa'tā |
santāpaya'ti svaṃ dēhamāpā'datalamasta'kaḥ |
tasya madhyē vahni'śikhā aṇīyō''rdhvā vyavasthi'taḥ |
nīlatō'-yada'madhyasthā-dvidhyullē'khēva bhāsva'rā |
nīvāraśūka'vattanvī pītā bhā''svatyaṇūpa'mā |
tasyā''ḥ śikhāyā ma'dhyē paramā''tmā vyavasthi'taḥ |
sa brahma sa śivaḥ sa hariḥ sēndraḥ sō'kṣa'raḥ paramaḥ svarāṭ ||
ṛtagṃ satyaṃ pa'raṃ brahma puruṣaṃ' kṛṣṇapiṅga'lam |
ūrdhvarē'taṃ vi'rūpākṣaṃ viśvarū'pāya vai namō namaḥ' ||
ōṃ nārāyaṇāya' vidmahē' vāsudēvāya' dhīmahi |
tannō' viṣṇuḥ prachōdayā''t ||
ōṃ śāntiḥ śāntiḥ śāntiḥ' ||