manyu sūktam
ṛgvēda saṃhitā; maṇḍalaṃ 10; sūktaṃ 83,84
yastē'' manyō'vi'dhad vajra sāyaka saha ōjaḥ' puṣyati viśva'mānuṣak |
sāhyāma dāsamāryaṃ tvayā'' yujā saha'skṛtēna saha'sā saha'svatā || 1 ||
manyurindrō'' manyurēvāsa' dēvō manyur hōtā varu'ṇō jātavē''dāḥ |
manyuṃ viśa' īḻatē mānu'ṣīryāḥ pāhi nō'' manyō tapa'sā sajōṣā''ḥ || 2 ||
abhī''hi manyō tavasastavī''yān tapa'sā yujā vi ja'hi śatrū''n |
amitrahā vṛ'trahā da'syuhā cha viśvā vasūnyā bha'rā tvaṃ naḥ' || 3 ||
tvaṃ hi ma''nyō abhibhū''tyōjāḥ svayambhūrbhāmō'' abhimātiṣāhaḥ |
viśvacha'r-ṣaṇiḥ sahu'riḥ sahā''vānasmāsvōjaḥ pṛta'nāsu dhēhi || 4 ||
abhāgaḥ sannapa parē''tō asmi tava kratvā'' taviṣasya' prachētaḥ |
taṃ tvā'' manyō akraturji'hīḻāhaṃ svātanūrba'ladēyā''ya mēhi' || 5 ||
ayaṃ tē'' asmyupa mēhyarvāṅ pra'tīchīnaḥ sa'hurē viśvadhāyaḥ |
manyō'' vajrinnabhi māmā va'vṛtsvahanā''va dasyū''n ṛta bō''dhyāpēḥ || 6 ||
abhi prēhi' dakṣiṇatō bha'vā mē'dhā'' vṛtrāṇi' jaṅghanāva bhūri' |
juhōmi' tē dharuṇaṃ madhvō agra'mubhā u'pāṃśu pra'thamā pi'bāva || 7 ||
tvayā'' manyō saratha'mārujantō harṣa'māṇāsō dhṛṣitā ma'rutvaḥ |
tigmēṣa'va āyu'dhā saṃśiśā''nā abhi prayaṃ''tu narō'' agnirū''pāḥ || 8 ||
agniri'va manyō tviṣitaḥ sa'hasva sēnānīrnaḥ' sahurē hūta ē''dhi |
hatvāya śatrūn vi bha'jasva vēda ōjō mimā''nō vimṛdhō'' nudasva || 9 ||
saha'sva manyō abhimā''timasmē rujan mṛṇan pra'mṛṇan prēhi śatrū''n |
ugraṃ tē pājō'' nanvā ru'rudhrē vaśī vaśaṃ'' nayasa ēkaja tvam || 10 ||
ēkō'' bahūnāma'si manyavīḻitō viśaṃ''viśaṃ yudhayē saṃ śi'śādhi |
akṛ'ttaruk tvayā'' yujā vayaṃ dyumantaṃ ghṣaṃ'' vijayāya' kṛṇmahē || 11 ||
vijēṣakṛdindra' ivānavabravō(ō)3''smākaṃ'' manyō adhipā bha'vēha |
priyaṃ tē nāma' sahurē gṛṇīmasi vidmātamutsaṃ yata' ābabhūtha' || 12 ||
ābhū''tyā sahajā va'jra sāyaka sahō'' bibharṣyabhibhūta utta'ram |
kratvā'' nō manyō sahamēdyē''dhi mahādhanasya' puruhūta saṃsṛji' || 13 ||
saṃsṛ'ṣṭaṃ dhana'mubhayaṃ'' samākṛ'tamasmabhyaṃ'' dattāṃ varu'ṇaścha manyuḥ |
bhiyaṃ dadhā''nā hṛda'yēṣu śatra'vaḥ parā''jitāsō apa nila'yantām || 14 ||
dhanva'nāgādhanva' nājiñja'yēma dhanva'nā tīvrāḥ samadō'' jayēma |
dhanuḥ śatrō''rapakāmaṃ kṛ'ṇōti dhanva' nāsarvā''ḥ pradiśō'' jayēma ||
bhadraṃ nō api' vātaya manaḥ' ||
ōṃ śāntā' pṛthivī śi'vamantarikṣaṃ dyaurnō'' dēvya'bha'yannō astu |
śivā diśaḥ' pradiśa' uddiśō'' na'āpō'' viśvataḥ pari'pāntu sarvataḥ śāntiḥ śāntiḥ śāntiḥ' ||