lakṣmī nṛsiṃha karāvalamba stōtram
śrīmatpayōnidhinikētana cakrapāṇē bhōgīndrabhōgamaṇirājita puṇyamūrtē |
yōgīśa śāśvata śaraṇya bhavābdhipōta lakṣmīnṛsiṃha mama dēhi karāvalambam || 1 ||
brahmēndrarudramarudarkakirīṭakōṭi saṅghṭṭitāṅghikamalāmalakāntikānta |
lakṣmīlasatkucasarōruharājahaṃsa lakṣmīnṛsiṃha mama dēhi karāvalambam || 2 ||
saṃsāradāvadahanākarabhīkarōru-jvālāvaḻībhiratidagdhatanūruhasya |
tvatpādapadmasarasīruhamāgatasya lakṣmīnṛsiṃha mama dēhi karāvalambam || 3 ||
saṃsārajālapatitatasya jagannivāsa sarvēndriyārtha baḍiśāgra jhaṣōpamasya |
prōtkampita pracuratāluka mastakasya lakṣmīnṛsiṃha mama dēhi karāvalambam || 4 ||
saṃsārakūmapatighramagādhamūlaṃ samprāpya duḥkhaśatasarpasamākulasya |
dīnasya dēva kṛpayā padamāgatasya lakṣmīnṛsiṃha mama dēhi karāvalambam || 5 ||
saṃsārabhīkarakarīndrakarābhighta niṣpīḍyamānavapuṣaḥ sakalārtināśa |
prāṇaprayāṇabhavabhītisamākulasya lakṣmīnṛsiṃha mama dēhi karāvalambam || 6 ||
saṃsārasarpaviṣadigdhamahōgratīvra daṃṣṭrāgrakōṭiparidaṣṭavinaṣṭamūrtēḥ |
nāgārivāhana sudhābdhinivāsa śaurē lakṣmīnṛsiṃha mama dēhi karāvalambam || 7 ||
saṃsāravṛkṣabījamanantakarma-śākhāyutaṃ karaṇapatramanaṅgapuṣpam |
āruhya duḥkhaphalitaḥ cakitaḥ dayāḻō lakṣmīnṛsiṃha mama dēhi karāvalambam || 8 ||
saṃsārasāgaraviśālakarāḻakāḻa nakragrahagrasitanigrahavigrahasya |
vyagrasya rāganicayōrminipīḍitasya lakṣmīnṛsiṃha mama dēhi karāvalambam || 9 ||
saṃsārasāgaranimajjanamuhyamānaṃ dīnaṃ vilōkaya vibhō karuṇānidhē mām |
prahlādakhēdaparihāraparāvatāra lakṣmīnṛsiṃha mama dēhi karāvalambam || 10 ||
saṃsāraghragahanē caratō murārē mārōgrabhīkaramṛgapracurārditasya |
ārtasya matsaranidāghsuduḥkhitasya lakṣmīnṛsiṃha mama dēhi karāvalambam || 11 ||
baddhvā galē yamabhaṭā bahu tarjayanta karṣanti yatra bhavapāśaśatairyutaṃ mām |
ēkākinaṃ paravaśaṃ cakitaṃ dayāḻō lakṣmīnṛsiṃha mama dēhi karāvalambam || 12 ||
lakṣmīpatē kamalanābha surēśa viṣṇō yajJṇēśa yajJṇa madhusūdana viśvarūpa |
brahmaṇya kēśava janārdana vāsudēva lakṣmīnṛsiṃha mama dēhi karāvalambam || 13 ||
ēkēna cakramaparēṇa karēṇa śaṅkha-manyēna sindhutanayāmavalambya tiṣṭhan |
vāmētarēṇa varadābhayapadmacihnaṃ lakṣmīnṛsiṃha mama dēhi karāvalambam || 14 ||
andhasya mē hṛtavivēkamahādhanasya cōrairmahābalibhirindriyanāmadhēyaiḥ |
mōhāndhakārakuharē vinipātitasya lakṣmīnṛsiṃha mama dēhi karāvalambam || 15 ||
prahlādanāradaparāśarapuṇḍarīka-vyāsādibhāgavatapuṅgavahṛnnivāsa |
bhaktānuraktaparipālanapārijāta lakṣmīnṛsiṃha mama dēhi karāvalambam || 16 ||
lakṣmīnṛsiṃhacaraṇābjamadhuvratēna stōtraṃ kṛtaṃ śubhakaraṃ bhuvi śaṅkarēṇa |
yē tatpaṭhanti manujā haribhaktiyuktā-stē yānti tatpadasarōjamakhaṇḍarūpam || 17 ||