gāyatrī kavacham
nārada uvāca
svāmin sarvajagannādha saṃśayō'sti mama prabhō
catuṣaṣṭi kaḻābhijJṇa pātakā dyōgavidvara
mucyatē kēna puṇyēna brahmarūpaḥ kathaṃ bhavēt
dēhaśca dēvatārūpō mantra rūpō viśēṣataḥ
karmata cChrōtu micChāmi nyāsaṃ ca vidhipūrvakam
ṛṣi śChandō'dhi daivañca dhyānaṃ ca vidhiva tprabhō
nārāyaṇa uvāca
asytēkaṃ paramaṃ guhyaṃ gāyatrī kavacaṃ tathā
paṭhanā ddhāraṇā nmartya ssarvapāpaiḥ pramucyatē
sarvāṅkāmānavāpnōti dēvī rūpaśca jāyatē
gāyattrī kavacasyāsya brahmaviṣṇumahēśvarāḥ
ṛṣayō ṛgyajussāmātharva cChandāṃsi nārada
brahmarūpā dēvatōktā gāyatrī paramā kaḻā
tadbījaṃ bharga ityēṣā śakti ruktā manīṣibhiḥ
kīlakañca dhiyaḥ prōktaṃ mōkṣārdhē viniyōjanam
caturbhirhṛdayaṃ prōktaṃ tribhi rvarṇai śśira ssmṛtam
caturbhissyācChikhā paścāttribhistu kavacaṃ ssmutam
caturbhi rnētra muddhiṣṭaṃ caturbhissyāttadasrtakam
atha dhyānaṃ pravakṣyāmi sādhakābhīṣṭadāyakam
muktā vidruma hēmanīla dhavaḻa cChāyairmukhai strīkṣaṇaiḥ
yuktāmindu nibaddha ratna makuṭāṃ tatvārdha varṇātmikām |
gāyattrīṃ varadābhayāṃ kuśakaśāśśubhraṃ kapālaṃ gadāṃ
śaṅkhaṃ cakra mathāravinda yugaḻaṃ hastairvahantīṃ bhajē ||
gāyattrī pūrvataḥ pātu sāvitrī pātu dakṣiṇē
brahma sandhyātu mē paścāduttarāyāṃ sarasvatī
pārvatī mē diśaṃ rākṣē tpāvakīṃ jalaśāyinī
yātūdhānīṃ diśaṃ rakṣē dyātudhānabhayaṅkarī
pāvamānīṃ diśaṃ rakṣētpavamāna vilāsinī
diśaṃ raudrīñca mē pātu rudrāṇī rudra rūpiṇī
ūrdhvaṃ brahmāṇī mē rakṣē dadhastā dvaiṣṇavī tathā
ēvaṃ daśa diśō rakṣē tsarvāṅgaṃ bhuvanēśvarī
tatpadaṃ pātu mē pādau jaṅgh mē savituḥpadam
varēṇyaṃ kaṭi dēśētu nābhiṃ bharga stathaivaca
dēvasya mē taddhṛdayaṃ dhīmahīti ca gallayōḥ
dhiyaḥ padaṃ ca mē nētrē yaḥ padaṃ mē lalāṭakam
naḥ padaṃ pātu mē mūrdhni śikhāyāṃ mē pracōdayāt
tatpadaṃ pātu mūrdhānaṃ sakāraḥ pātu phālakam
cakṣuṣītu vikārārṇō tukārastu kapōlayōḥ
nāsāpuṭaṃ vakārārṇō rakārastu mukhē tathā
ṇikāra ūrdhva mōṣṭhantu yakārastvadharōṣṭhakam
āsyamadhyē bhakārārṇō gōkāra ścubukē tathā
dēkāraḥ kaṇṭha dēśētu vakāra sskandha dēśakam
syakārō dakṣiṇaṃ hastaṃ dhīkārō vāma hastakam
makārō hṛdayaṃ rakṣēddhikāra udarē tathā
dhikārō nābhi dēśētu yōkārastu kaṭiṃ tathā
guhyaṃ rakṣatu yōkāra ūrū dvau naḥ padākṣaram
prakārō jānunī rakṣē cChōkārō jaṅgh dēśakam
dakāraṃ gulpha dēśētu yākāraḥ padayugmakam
takāra vyañjanaṃ caiva sarvāṅgē mē sadāvatu
idantu kavacaṃ divyaṃ bādhā śata vināśanam
catuṣṣaṣṭi kaḻā vidyādāyakaṃ mōkṣakārakam
mucyatē sarva pāpēbhyaḥ paraṃ brahmādhigacChati
paṭhanā cChravaṇā dvāpi gō sahasra phalaṃ labhēt
śrī dēvībhāgavatāntargata gāyattrī kavacam sampūrṇaṃ