dēvī mahātmyam durgā saptaśati tṛtīyō'dhyāyaḥ
mahiṣāsuravadhō nāma tṛtīyō'dhyāyaḥ ||
dhyānaṃ
ōṃ udyadbhānusahasrakāntiṃ aruṇakṣaumāṃ śirōmālikāṃ
raktālipta payōdharāṃ japavaṭīṃ vidyāmabhītiṃ varaṃ |
hastābjairdhadhatīṃ trinētravaktrāravindaśriyaṃ
dēvīṃ baddhahimāṃśuratnamakuṭāṃ vandē'ravindasthitām ||
ṛṣiruvāca ||1||
nihanyamānaṃ tatsainyaṃ avalōkya mahāsuraḥ|
sēnānīścikṣuraḥ kōpād dhyayau yōddhumathāmbikām ||2||
sa dēvīṃ śaravarṣēṇa vavarṣa samarē'suraḥ|
yathā mērugirēḥśṛṅgaṃ tōyavarṣēṇa tōyadaḥ ||3||
tasya Chitvā tatō dēvī līlayaiva śarōtkarān|
jaghna turagānbāṇairyantāraṃ caiva vājinām ||4||
cicChēda ca dhanuḥsadhyō dhvajaṃ cātisamucChṛtam|
vivyādha caiva gātrēṣu cinnadhanvānamāśugaiḥ ||5||
sacChinnadhanvā virathō hatāśvō hatasārathiḥ|
abhyadhāvata tāṃ dēvīṃ khaḍgacarmadharō'suraḥ ||6||
siṃhamāhatya khaḍgēna tīkṣṇadhārēṇa mūrdhani|
ājaghna bhujē savyē dēvīṃ avyativēgavān ||6||
tasyāḥ khaḍgō bhujaṃ prāpya paphāla nṛpanandana|
tatō jagrāha śūlaṃ sa kōpād aruṇalōcanaḥ ||8||
cikṣēpa ca tatastattu bhadrakāḻyāṃ mahāsuraḥ|
jājvalyamānaṃ tējōbhī ravibimbamivāmbarāt ||9||
dṛṣṭvā tadāpatacChūlaṃ dēvī śūlamamuñcata|
tacChūlaṃśatadhā tēna nītaṃ śūlaṃ sa ca mahāsuraḥ ||10||
hatē tasminmahāvīryē mahiṣasya camūpatau|
ājagāma gajārūḍaḥ ścāmarastridaśārdanaḥ ||11||
sō'pi śaktiṃmumōcātha dēvyāstāṃ ambikā drutam|
huṅkārābhihatāṃ bhūmau pātayāmāsaniṣprabhām ||12||
bhagnāṃ śaktiṃ nipatitāṃ dṛṣṭvā krōdhasamanvitaḥ
cikṣēpa cāmaraḥ śūlaṃ bāṇaistadapi sācChinat ||13||
tataḥ siṃhaḥsamutpatya gajakuntarē mbhāntarēsthitaḥ|
bāhuyuddhēna yuyudhē tēnōccaistridaśāriṇā ||14||
yudhyamānou tatastou tu tasmānnāgānmahīṃ gatou
yuyudhātē'tisaṃrabdhau prahārai atidāruṇaiḥ ||15||
tatō vēgāt khamutpatya nipatya ca mṛgāriṇā|
karaprahārēṇa śiraścāmarasya pṛthak kṛtam ||16||
udagraśca raṇē dēvyā śilāvṛkṣādibhirhataḥ|
danta muṣṭitalaiścaiva karāḻaśca nipātitaḥ ||17||
dēvī kṛddhā gadāpātaiḥ ścūrṇayāmāsa cōddhatam|
bhāṣkalaṃ bhindipālēna bāṇaistāmraṃ tathāndhakam ||18||
ugrāsyamugravīryaṃ ca tathaiva ca mahāhanum
trinētrā ca triśūlēna jaghna paramēśvarī ||19||
biḍālasyāsinā kāyāt pātayāmāsa vai śiraḥ|
durdharaṃ durmukhaṃ cōbhau śarairninyē yamakṣayam ||20||
ēvaṃ saṅkṣīyamāṇē tu svasainyē mahiṣāsuraḥ|
māhiṣēṇa svarūpēṇa trāsayāmāsatān gaṇān ||21||
kāṃścittuṇḍaprahārēṇa khurakṣēpaistathāparān|
lāṅgūlatāḍitāṃścānyān śṛṅgābhyāṃ ca vidāritā ||22||
vēgēna kāṃśchidaparānnādēna bhramaṇēna cha|
niḥ śvāsapavanēnānyān pātayāmāsa bhūtalē||23||
nipātya pramathānīkamabhyadhāvata sō'suraḥ
siṃhaṃ hantuṃ mahādēvyāḥ kōpaṃ cakrē tatō'mbhikā ||24||
sō'pi kōpānmahāvīryaḥ khurakṣuṇṇamahītalaḥ|
śṛṅgābhyāṃ parvatānuccāṃścikṣēpa ca nanāda ca ||25||
vēga bhramaṇa vikṣuṇṇā mahī tasya vyaśīryata|
lāṅgūlēnāhataścābdhiḥ plāvayāmāsa sarvataḥ ||26||
dhutaśṛṅgvibhinnāśca khaṇḍaṃ khaṇḍaṃ yayurghnāḥ|
śvāsānilāstāḥ śataśō nipēturnabhasō'calāḥ ||27||
itikrōdhasamādhmātamāpatantaṃ mahāsuram|
dṛṣṭvā sā caṇḍikā kōpaṃ tadvadhāya tadā'karōt ||28||
sā kṣitpvā tasya vaipāśaṃ taṃ babandha mahāsuram|
tatyājamāhiṣaṃ rūpaṃ sō'pi baddhō mahāmṛdhē ||29||
tataḥ siṃhō'bhavatsadhyō yāvattasyāmbikā śiraḥ|
Chinatti tāvat puruṣaḥ khaḍgapāṇi radṛśyata ||30||
tata ēvāśu puruṣaṃ dēvī cicChēda sāyakaiḥ|
taṃ khaḍgacarmaṇā sārdhaṃ tataḥ sō' bhūnmahā gajaḥ ||31||
karēṇa ca mahāsiṃhaṃ taṃ cakarṣa jagarjaca |
karṣatastu karaṃ dēvī khaḍgēna nirakṛntata ||32||
tatō mahāsurō bhūyō māhiṣaṃ vapurāsthitaḥ|
tathaiva kṣōbhayāmāsa trailōkyaṃ sacarācaram ||33||
tataḥ kruddhā jaganmātā caṇḍikā pāna muttamam|
papau punaḥ punaścaiva jahāsāruṇalōcanā ||34||
nanarda cāsuraḥ sō'pi balavīryamadōddhataḥ|
viṣāṇābhyāṃ ca cikṣēpa caṇḍikāṃ pratibhūdharān||35||
sā ca tā nprahitāṃ stēna cūrṇayantī śarōtkaraiḥ|
uvāca taṃ madōddhūtamukharāgākulākṣaram ||36||
dēvyu^^uvāca||
garja garja kṣaṇaṃ mūḍha madhu yāvatpibāmyaham|
mayātvayi hatē'traiva garjiṣyantyāśu dēvatāḥ ||37||
ṛṣiruvāca||
ēvamuktvā samutpatya sārūḍhā taṃ mahāsuram|
pādēnā kramya kaṇṭhē ca śūlēnaina matāḍayat ||38||
tataḥ sō'pi padākrāntastayā nijamukhāttataḥ|
ardha niṣkrānta ēvāsīddēvyā vīryēṇa saṃvṛtaḥ ||40||
ardha niṣkrānta ēvāsau yudhyamānō mahāsuraḥ |
tayā mahāsinā dēvyā śiraśChittvā nipātitaḥ ||41||
tatō hāhākṛtaṃ sarvaṃ daityasainyaṃ nanāśa tat|
praharṣaṃ ca paraṃ jagmuḥ sakalā dēvatāgaṇāḥ ||42||
tuṣṭu vustāṃ surā dēvīṃ sahadivyairmaharṣibhiḥ|
jagurgundharvapatayō nanṛtuścāpsarōgaṇāḥ ||43||
|| iti śrī mārkaṇḍēya purāṇē sāvarnikē manvantarē dēvi mahatmyē mahiṣāsuravadhō nāma tṛtīyō'dhyāyaṃ samāptaṃ ||
āhuti
hrīṃ jayantī sāṅgāyai sāyudhāyai saśaktikāyai saparivārāyai savāhanāyai śrī mahālakṣmyai lakṣmī bījādiṣṭāyai mahāhutiṃ samarpayāmi namaḥ svāhā ||