dēvī mahātmyam dēvi kavacham
ōṃ namaśchaṇḍikāyai
nyāsaḥ
asya śrī chaṇḍī kavachasya | brahmā ṛṣiḥ | anuṣṭup Chandaḥ |
chāmuṇḍā dēvatā | aṅganyāsōkta mātarō bījam | navāvaraṇō mantraśaktiḥ | digbandha dēvatāḥ tatvaṃ | śrī jagadambā prītyarthē saptaśatī pāṭhāṅgatvēna japē viniyōgaḥ ||
ōṃ namaśchaṇḍikāyai
mārkaṇḍēya uvāca |
ōṃ yadguhyaṃ paramaṃ lōkē sarvarakṣākaraṃ nṛṇām |
yanna kasyacidākhyātaṃ tanmē brūhi pitāmaha || 1 ||
brahmōvāca |
asti guhyatamaṃ vipra sarvabhūtōpakārakam |
dēvyāstu kavacaṃ puṇyaṃ tacChṛṇuṣva mahāmunē || 2 ||
prathamaṃ śailaputrī cha dvitīyaṃ brahmacāriṇī |
tṛtīyaṃ candraghṇṭēti kūṣmāṇḍēti caturthakam || 3 ||
pañcamaṃ skandamātēti ṣaṣṭhaṃ kātyāyanīti cha |
saptamaṃ kālarātrīti mahāgaurīti cāṣṭamam || 4 ||
navamaṃ siddhidātrī ca navadurgāḥ prakīrtitāḥ |
uktānyētāni nāmāni brahmaṇaiva mahātmanā || 5 ||
agninā dahyamānastu śatrumadhyē gatō raṇē |
viṣamē durgamē caiva bhayārtāḥ śaraṇaṃ gatāḥ || 6 ||
na tēṣāṃ jāyatē kiñcidaśubhaṃ raṇasaṅkaṭē |
nāpadaṃ tasya paśyāmi śōkaduḥkhabhayaṃ na hi || 7 ||
yaistu bhaktyā smṛtā nūnaṃ tēṣāṃ vṛddhiḥ prajāyatē |
yē tvāṃ smaranti dēvēśi rakṣasē tānnasaṃśayaḥ || 8 ||
prētasaṃsthā tu cāmuṇḍā vārāhī mahiṣāsanā |
aindrī gajasamārūḍhā vaiṣṇavī garuḍāsanā || 9 ||
māhēśvarī vṛṣārūḍhā kaumārī śikhivāhanā |
lakṣmīḥ padmāsanā dēvī padmahastā haripriyā || 10 ||
śvētarūpadharā dēvī īśvarī vṛṣavāhanā |
brāhmī haṃsasamārūḍhā sarvābharaṇabhūṣitā || 11 ||
ityētā mātaraḥ sarvāḥ sarvayōgasamanvitāḥ |
nānābharaṇāśōbhāḍhyā nānāratnōpaśōbhitāḥ || 12 ||
dṛśyantē rathamārūḍhā dēvyaḥ krōdhasamākulāḥ |
śaṅkhaṃ cakraṃ gadāṃ śaktiṃ halaṃ ca musalāyudham || 13 ||
khēṭakaṃ tōmaraṃ caiva paraśuṃ pāśamēva ca |
kuntāyudhaṃ triśūlaṃ ca śārṅgamāyudhamuttamam || 14 ||
daityānāṃ dēhanāśāya bhaktānāmabhayāya ca |
dhārayantyāyudhānītthaṃ dēvānāṃ ca hitāya vai || 15 ||
namastē'stu mahāraudrē mahāghraparākramē |
mahābalē mahōtsāhē mahābhayavināśini || 16 ||
trāhi māṃ dēvi duṣprēkṣyē śatrūṇāṃ bhayavardhini |
prācyāṃ rakṣatu māmaindrī āgnēyyāmagnidēvatā || 17 ||
dakṣiṇē'vatu vārāhī nairṛtyāṃ khaḍgadhāriṇī |
pratīcyāṃ vāruṇī rakṣēdvāyavyāṃ mṛgavāhinī || 18 ||
udīcyāṃ pātu kaumārī aiśānyāṃ śūladhāriṇī |
ūrdhvaṃ brahmāṇī mē rakṣēdadhastādvaiṣṇavī tathā || 19 ||
ēvaṃ daśa diśō rakṣēccāmuṇḍā śavavāhanā |
jayā mē chāgrataḥ pātu vijayā pātu pṛṣṭhataḥ || 20 ||
ajitā vāmapārśvē tu dakṣiṇē cāparājitā |
śikhāmudyōtinī rakṣēdumā mūrdhni vyavasthitā || 21 ||
mālādharī lalāṭē ca bhruvau rakṣēdyaśasvinī |
trinētrā cha bhruvōrmadhyē yamaghaṇṭā cha nāsikē || 22 ||
śaṅkhinī cakṣuṣōrmadhyē śrōtrayōrdvāravāsinī |
kapōlau kālikā rakṣētkarṇamūlē tu śāṅkarī || 23 ||
nāsikāyāṃ sugandhā ca uttarōṣṭhē ca carcikā |
adharē cāmṛtakalā jihvāyāṃ ca sarasvatī || 24 ||
dantān rakṣatu kaumārī kaṇṭhadēśē tu caṇḍikā |
ghṇṭikāṃ citraghṇṭā ca mahāmāyā ca tālukē || 25 ||
kāmākṣī cibukaṃ rakṣēdvācaṃ mē sarvamaṅgaḻā |
grīvāyāṃ bhadrakāḻī ca pṛṣṭhavaṃśē dhanurdharī || 26 ||
nīlagrīvā bahiḥ kaṇṭhē nalikāṃ nalakūbarī |
skandhayōḥ khaḍginī rakṣēdbāhū mē vajradhāriṇī || 27 ||
hastayōrdaṇḍinī rakṣēdambikā cāṅgulīṣu ca |
nakhāñChūlēśvarī rakṣētkukṣau rakṣētkulēśvarī || 28 ||
stanau rakṣēnmahādēvī manaḥśōkavināśinī |
hṛdayē lalitā dēvī udarē śūladhāriṇī || 29 ||
nābhau ca kāminī rakṣēdguhyaṃ guhyēśvarī tathā |
pūtanā kāmikā mēḍhraṃ gudē mahiṣavāhinī || 30 ||
kaṭyāṃ bhagavatī rakṣējjānunī vindhyavāsinī |
jaṅgh mahābalā rakṣētsarvakāmapradāyinī || 31 ||
gulphayōrnārasiṃhī ca pādapṛṣṭhē tu taijasī |
pādāṅgulīṣu śrī rakṣētpādādhastalavāsinī || 32 ||
nakhān daṃṣṭrakarālī ca kēśāṃścaivōrdhvakēśinī |
rōmakūpēṣu kaubērī tvacaṃ vāgīśvarī tathā || 33 ||
raktamajjāvasāmāṃsānyasthimēdāṃsi pārvatī |
antrāṇi kālarātriśca pittaṃ ca mukuṭēśvarī || 34 ||
padmāvatī padmakōśē kaphē cūḍāmaṇistathā |
jvālāmukhī nakhajvālāmabhēdyā sarvasandhiṣu || 35 ||
śukraṃ brahmāṇi! mē rakṣēcChāyāṃ Chatrēśvarī tathā |
ahaṅkāraṃ manō buddhiṃ rakṣēnmē dharmadhāriṇī || 36 ||
prāṇāpānau tathā vyānamudānaṃ ca samānakam |
vajrahastā ca mē rakṣētprāṇaṃ kalyāṇaśōbhanā || 37 ||
rasē rūpē ca gandhē ca śabdē sparśē ca yōginī |
sattvaṃ rajastamaścaiva rakṣēnnārāyaṇī sadā || 38 ||
āyū rakṣatu vārāhī dharmaṃ rakṣatu vaiṣṇavī |
yaśaḥ kīrtiṃ ca lakṣmīṃ ca dhanaṃ vidyāṃ cha chakriṇī || 39 ||
gōtramindrāṇi! mē rakṣētpaśūnmē rakṣa caṇḍikē |
putrān rakṣēnmahālakṣmīrbhāryāṃ rakṣatu bhairavī || 40 ||
panthānaṃ supathā rakṣēnmārgaṃ kṣēmakarī tathā |
rājadvārē mahālakṣmīrvijayā sarvataḥ sthitā || 41 ||
rakṣāhīnaṃ tu yat-sthānaṃ varjitaṃ kavacēna tu |
tatsarvaṃ rakṣa mē dēvi! jayantī pāpanāśinī || 42 ||
padamēkaṃ na gacChēttu yadīcChēcChubhamātmanaḥ |
kavacēnāvṛtō nityaṃ yatra yatraiva gacChati || 43 ||
tatra tatrārthalābhaśca vijayaḥ sārvakāmikaḥ |
yaṃ yaṃ cintayatē kāmaṃ taṃ taṃ prāpnōti niścitam || 44 ||
paramaiśvaryamatulaṃ prāpsyatē bhūtalē pumān |
nirbhayō jāyatē martyaḥ saṅgrāmēṣvaparājitaḥ || 45 ||
trailōkyē tu bhavētpūjyaḥ kavacēnāvṛtaḥ pumān |
idaṃ tu dēvyāḥ kavacaṃ dēvānāmapi durlabham || 46 ||
yaḥ paṭhētprayatō nityaṃ trisandhyaṃ śraddhayānvitaḥ |
daivīkalā bhavēttasya trailōkyēṣvaparājitaḥ | 47 ||
jīvēdvarṣaśataṃ sāgramapamṛtyuvivarjitaḥ |
naśyanti vyādhayaḥ sarvē lūtāvisphōṭakādayaḥ || 48 ||
sthāvaraṃ jaṅgamaṃ caiva kṛtrimaṃ caiva yadviṣam |
abhicārāṇi sarvāṇi mantrayantrāṇi bhūtalē || 49 ||
bhūcarāḥ khēcarāścaiva julajāścōpadēśikāḥ |
sahajā kulajā mālā ḍākinī śākinī tathā || 50 ||
antarikṣacarā ghrā ḍākinyaśca mahābalāḥ |
grahabhūtapiśācāśca yakṣagandharvarākṣasāḥ || 51 ||
brahmarākṣasavētālāḥ kūṣmāṇḍā bhairavādayaḥ |
naśyanti darśanāttasya kavacē hṛdi saṃsthitē || 52 ||
mānōnnatirbhavēdrājJṇastējōvṛddhikaraṃ paraṃ |
yaśasā vardhatē sō'pi kīrtimaṇḍitabhūtalē || 53 ||
japētsaptaśatīṃ caṇḍīṃ kṛtvā tu kavacaṃ purā |
yāvadbhūmaṇḍalaṃ dhattē saśailavanakānanam || 54 ||
tāvattiṣṭhati mēdinyāṃ santatiḥ putrapautrikī |
dēhāntē paramaṃ sthānaṃ yatsurairapi durlabham || 55 ||
prāpnōti puruṣō nityaṃ mahāmāyāprasādataḥ |
labhatē paramaṃ rūpaṃ śivēna saha mōdatē || 56 ||
|| iti vārāhapurāṇē hariharabrahma viracitaṃ dēvyāḥ kavacaṃ sampūrṇam ||