अन्नमय्य कीर्तन देव देवं भजे
रागं: धन्नासि
देव देवं भजे दिव्यप्रभावं |
रावणासुरवैरि रणपुङ्गवं ||
राजवरशेखरं रविकुलसुधाकरं
आजानुबाहु नीलाभ्रकायं |
राजारि कोदण्ड राज दीक्षागुरुं
राजीवलोचनं रामचन्द्रं ||
नीलजीमूत सन्निभशरीरं घ्नवि-
शालवक्षं विमल जलजनाभं |
तालाहिनगहरं धर्मसंस्थापनं
भूललनाधिपं भोगिशयनं ||
पङ्कजासनविनुत परमनारायणं
शङ्करार्जित जनक चापदलनं |
लङ्का विशोषणं लालितविभीषणं
वॆङ्कटेशं साधु विबुध विनुतं ||