Back

শ্রী লক্ষ্মী অষ্টোত্তর শতনাম স্তোত্রম্

দেব্যুবাচ
দেবদেব! মহাদেব! ত্রিকালজ্ঞ! মহেশ্বর!
করুণাকর দেবেশ! ভক্তানুগ্রহকারক! ||
অষ্টোত্তর শতং লক্ষ্ম্যাঃ শ্রোতুমিচ্ছামি তত্ত্বতঃ ||

ঈশ্বর উবাচ
দেবি! সাধু মহাভাগে মহাভাগ্য প্রদাযকং |
সর্বৈশ্বর্যকরং পুণ্যং সর্বপাপ প্রণাশনম্ ||
সর্বদারিদ্র্য শমনং শ্রবণাদ্ভুক্তি মুক্তিদম্ |
রাজবশ্যকরং দিব্যং গুহ্যাদ্-গুহ্যতরং পরং ||
দুর্লভং সর্বদেবানাং চতুষ্ষষ্টি ক঳াস্পদম্ |
পদ্মাদীনাং বরাংতানাং নিধীনাং নিত্যদাযকম্ ||
সমস্ত দেব সংসেব্যং অণিমাদ্যষ্ট সিদ্ধিদং |
কিমত্র বহুনোক্তেন দেবী প্রত্যক্ষদাযকং ||
তব প্রীত্যাদ্য বক্ষ্যামি সমাহিতমনাশ্শৃণু |
অষ্টোত্তর শতস্যাস্য মহালক্ষ্মিস্তু দেবতা ||
ক্লীং বীজ পদমিত্যুক্তং শক্তিস্তু ভুবনেশ্বরী |
অংগন্যাসঃ করন্যাসঃ স ইত্যাদি প্রকীর্তিতঃ ||

ধ্যানম্
বংদে পদ্মকরাং প্রসন্নবদনাং সৌভাগ্যদাং ভাগ্যদাং
হস্তাভ্যামভযপ্রদাং মণিগণৈঃ নানাবিধৈঃ ভূষিতাং |
ভক্তাভীষ্ট ফলপ্রদাং হরিহর ব্রহ্মাধিভিস্সেবিতাং
পার্শ্বে পংকজ শংখপদ্ম নিধিভিঃ যুক্তাং সদা শক্তিভিঃ ||

সরসিজ নযনে সরোজহস্তে ধব঳ তরাংশুক গংধমাল্য শোভে |
ভগবতি হরিবল্লভে মনোজ্ঞে ত্রিভুবন ভূতিকরি প্রসীদমহ্যম্ ||

ওং
প্রকৃতিং, বিকৃতিং, বিদ্যাং, সর্বভূত হিতপ্রদাং |
শ্রদ্ধাং, বিভূতিং, সুরভিং, নমামি পরমাত্মিকাম্ || 1 ||

বাচং, পদ্মালযাং, পদ্মাং, শুচিং, স্বাহাং, স্বধাং, সুধাং |
ধন্যাং, হিরণ্যযীং, লক্ষ্মীং, নিত্যপুষ্টাং, বিভাবরীম্ || 2 ||

অদিতিং চ, দিতিং, দীপ্তাং, বসুধাং, বসুধারিণীং |
নমামি কমলাং, কাংতাং, ক্ষমাং, ক্ষীরোদ সংভবাম্ || 3 ||

অনুগ্রহপরাং, বুদ্ধিং, অনঘাং, হরিবল্লভাং |
অশোকা,মমৃতাং দীপ্তাং, লোকশোক বিনাশিনীম্ || 4 ||

নমামি ধর্মনিলযাং, করুণাং, লোকমাতরং |
পদ্মপ্রিযাং, পদ্মহস্তাং, পদ্মাক্ষীং, পদ্মসুংদরীম্ || 5 ||

পদ্মোদ্ভবাং, পদ্মমুখীং, পদ্মনাভপ্রিযাং, রমাং |
পদ্মমালাধরাং, দেবীং, পদ্মিনীং, পদ্মগংধিনীম্ || 6 ||

পুণ্যগংধাং, সুপ্রসন্নাং, প্রসাদাভিমুখীং, প্রভাং |
নমামি চংদ্রবদনাং, চংদ্রাং, চংদ্রসহোদরীম্ || 7 ||

চতুর্ভুজাং, চংদ্ররূপাং, ইংদিরা,মিংদুশীতলাং |
আহ্লাদ জননীং, পুষ্টিং, শিবাং, শিবকরীং, সতীম্ || 8 ||

বিমলাং, বিশ্বজননীং, তুষ্টিং, দারিদ্র্য নাশিনীং |
প্রীতি পুষ্করিণীং, শাংতাং, শুক্লমাল্যাংবরাং, শ্রিযম্ || 9 ||

ভাস্করীং, বিল্বনিলযাং, বরারোহাং, যশস্বিনীং |
বসুংধরা, মুদারাংগাং, হরিণীং, হেমমালিনীম্ || 10 ||

ধনধান্যকরীং, সিদ্ধিং, স্রৈণসৌম্যাং, শুভপ্রদাং |
নৃপবেশ্ম গতানংদাং, বরলক্ষ্মীং, বসুপ্রদাম্ || 11 ||

শুভাং, হিরণ্যপ্রাকারাং, সমুদ্রতনযাং, জযাং |
নমামি মংগ঳াং দেবীং, বিষ্ণু বক্ষঃস্থল স্থিতাম্ || 12 ||

বিষ্ণুপত্নীং, প্রসন্নাক্ষীং, নারাযণ সমাশ্রিতাং |
দারিদ্র্য ধ্বংসিনীং, দেবীং, সর্বোপদ্রব বারিণীম্ || 13 ||

নবদুর্গাং, মহাকা঳ীং, ব্রহ্ম বিষ্ণু শিবাত্মিকাং |
ত্রিকালজ্ঞান সংপন্নাং, নমামি ভুবনেশ্বরীম্ || 14 ||

লক্ষ্মীং ক্ষীরসমুদ্ররাজ তনযাং শ্রীরংগধামেশ্বরীং |
দাসীভূত সমস্তদেব বনিতাং লোকৈক দীপাংকুরাম্ ||
শ্রীমন্মংদ কটাক্ষ লব্ধ বিভবদ্-ব্রহ্মেংদ্র গংগাধরাং |
ত্বাং ত্রৈলোক্য কুটুংবিনীং সরসিজাং বংদে মুকুংদপ্রিযাম্ || 15 ||

মাতর্নমামি! কমলে! কমলাযতাক্ষি!
শ্রী বিষ্ণু হৃত্-কমলবাসিনি! বিশ্বমাতঃ!
ক্ষীরোদজে কমল কোমল গর্ভগৌরি!
লক্ষ্মী! প্রসীদ সততং সমতাং শরণ্যে || 16 ||

ত্রিকালং যো জপেত্ বিদ্বান্ ষণ্মাসং বিজিতেংদ্রিযঃ |
দারিদ্র্য ধ্বংসনং কৃত্বা সর্বমাপ্নোত্-যযত্নতঃ |
দেবীনাম সহস্রেষু পুণ্যমষ্টোত্তরং শতং |
যেন শ্রিয মবাপ্নোতি কোটিজন্ম দরিদ্রতঃ || 17 ||

ভৃগুবারে শতং ধীমান্ পঠেত্ বত্সরমাত্রকং |
অষ্টৈশ্বর্য মবাপ্নোতি কুবের ইব ভূতলে ||
দারিদ্র্য মোচনং নাম স্তোত্রমংবাপরং শতং |
যেন শ্রিয মবাপ্নোতি কোটিজন্ম দরিদ্রতঃ || 18 ||

ভুক্ত্বাতু বিপুলান্ ভোগান্ অংতে সাযুজ্যমাপ্নুযাত্ |
প্রাতঃকালে পঠেন্নিত্যং সর্ব দুঃখোপ শাংতযে |
পঠংতু চিংতযেদ্দেবীং সর্বাভরণ ভূষিতাম্ || 19 ||

ইতি শ্রী লক্ষ্মী অষ্টোত্তর শতনাম স্তোত্রং সংপূর্ণম্

PDF, Full Site (with more options)