রাহু কবচম্
ধ্যানম্
প্রণমামি সদা রাহুং শূর্পাকারং কিরীটিনম্ |
সৈংহিকেযং করালাস্যং লোকানামভযপ্রদম্ || 1||
| অথ রাহু কবচম্ |
নীলাংবরঃ শিরঃ পাতু ললাটং লোকবংদিতঃ |
চক্ষুষী পাতু মে রাহুঃ শ্রোত্রে ত্বর্ধশরিরবান্ || 2||
নাসিকাং মে ধূম্রবর্ণঃ শূলপাণির্মুখং মম |
জিহ্বাং মে সিংহিকাসূনুঃ কংঠং মে কঠিনাংঘিকঃ || 3||
ভুজংগেশো ভুজৌ পাতু নীলমাল্যাংবরঃ করৌ |
পাতু বক্ষঃস্থলং মংত্রী পাতু কুক্ষিং বিধুংতুদঃ || 4||
কটিং মে বিকটঃ পাতু ঊরূ মে সুরপূজিতঃ |
স্বর্ভানুর্জানুনী পাতু জংঘ্ মে পাতু জাড্যহা || 5||
গুল্ফৌ গ্রহপতিঃ পাতু পাদৌ মে ভীষণাকৃতিঃ |
সর্বাণ্যংগানি মে পাতু নীলচংদনভূষণঃ || 6||
ফলশ্রুতিঃ
রাহোরিদং কবচমৃদ্ধিদবস্তুদং যো
ভক্ত্যা পঠত্যনুদিনং নিযতঃ শুচিঃ সন্ |
প্রাপ্নোতি কীর্তিমতুলাং শ্রিযমৃদ্ধি-
মাযুরারোগ্যমাত্মবিজযং চ হি তত্প্রসাদাত্ || 7||
|| ইতি শ্রীমহাভারতে ধৃতরাষ্ট্রসংজযসংবাদে দ্রোণপর্বণি রাহুকবচং সংপূর্ণম্ ||