দারিদ্র্য দহন শিব স্তোত্রম্
বিশ্বেশ্বরায নরকার্ণব তারণায
কর্ণামৃতায শশিশেখর ধারণায |
কর্পূরকাংতি ধবায জটাধরায
দারিদ্র্যদুঃখ দহনায নমশ্শিবায || 1 ||
গৌরীপ্রিযায রজনীশ কাধরায
কালাংতকায ভুজগাধিপ কংকণায |
গংগাধরায গজরাজ বিমর্ধনায
দারিদ্র্যদুঃখ দহনায নমশ্শিবায || 2 ||
ভক্তপ্রিযায ভবরোগ ভযাপহায
উগ্রায দুঃখ ভবসাগর তারণায |
জ্যোতির্মযায গুণনাম সুনৃত্যকায
দারিদ্র্যদুঃখ দহনায নমশ্শিবায || 3 ||
চর্মাংবরায শবভস্ম বিলেপনায
ফালেক্ষণায মণিকুংডল মংডিতায |
মংজীরপাদযুগায জটাধরায
দারিদ্র্যদুঃখ দহনায নমশ্শিবায || 4 ||
পংচাননায ফণিরাজ বিভূষণায
হেমাংকুশায ভুবনত্রয মংডিতায
আনংদ ভূমি বরদায তমোপযায |
দারিদ্র্যদুঃখ দহনায নমশ্শিবায || 5 ||
ভানুপ্রিযায ভবসাগর তারণায
কালাংতকায কমলাসন পূজিতায |
নেত্রত্রযায শুভলক্ষণ লক্ষিতায
দারিদ্র্যদুঃখ দহনায নমশ্শিবায || 6 ||
রামপ্রিযায রঘ্নাথ বরপ্রদায
নাগপ্রিযায নরকার্ণব তারণায |
পুণ্যায পুণ্যভরিতায সুরার্চিতায
দারিদ্র্যদুঃখ দহনায নমশ্শিবায || 7 ||
মুক্তেশ্বরায ফলদায গণেশ্বরায
গীতাপ্রিযায বৃষভেশ্বর বাহনায |
মাতংগচর্ম বসনায মহেশ্বরায
দারিদ্র্যদুঃখ দহনায নমশ্শিবায || 8 ||
বসিষ্ঠেন কৃতং স্তোত্রং সর্বরোগ নিবারণম্ |
সর্বসংপত্করং শীঘং পুত্রপৌত্রাদি বর্ধনম্ |
ত্রিসংধ্যং যঃ পঠেন্নিত্যং ন হি স্বর্গ মবাপ্নুযাত্ || 9 ||
|| ইতি শ্রী বসিষ্ঠ বিরচিতং দারিদ্র্যদহন শিবস্তোত্রম্ সংপূর্ণম্ ||