Back

ভজ গোবিংদম্ (মোহ মুদ্গরম্)

ভজ গোবিংদং ভজ গোবিংদং
গোবিংদং ভজ মূঢমতে |
সংপ্রাপ্তে সন্নিহিতে কালে
নহি নহি রক্ষতি ডুক্রিংকরণে || 1 ||

মূঢ জহীহি ধনাগমতৃষ্ণাং
কুরু সদ্বুদ্ধিম্ মনসি বিতৃষ্ণাম্ |
যল্লভসে নিজ কর্মোপাত্তং
বিত্তং তেন বিনোদয চিত্তম্ || 2 ||

নারী স্তনভর নাভীদেশং
দৃষ্ট্বা মা গা মোহাবেশম্ |
এতন্মাংস বসাদি বিকারং
মনসি বিচিংতযা বারং বারম্ || 3 ||

ন঳িনী দ঳গত জলমতি তর঳ং
তদ্বজ্জীবিত মতিশয চপলম্ |
বিদ্ধি ব্যাধ্যভিমান গ্রস্তং
লোকং শোকহতং চ সমস্তম্ || 4 ||

যাবদ্-বিত্তোপার্জন সক্তঃ
তাবন্-নিজপরিবারো রক্তঃ |
পশ্চাজ্জীবতি জর্জর দেহে
বার্তাং কোঽপি ন পৃচ্ছতি গেহে || 5 ||

যাবত্-পবনো নিবসতি দেহে
তাবত্-পৃচ্ছতি কুশলং গেহে |
গতবতি বাযৌ দেহাপাযে
ভার্যা বিভ্যতি তস্মিন্ কাযে || 6 ||

বাল স্তাবত্ ক্রীডাসক্তঃ
তরুণ স্তাবত্ তরুণীসক্তঃ |
বৃদ্ধ স্তাবত্-চিংতামগ্নঃ
পরমে ব্রহ্মণি কোঽপি ন লগ্নঃ || 7 ||

কা তে কাংতা কস্তে পুত্রঃ
সংসারোঽযমতীব বিচিত্রঃ |
কস্য ত্বং বা কুত আযাতঃ
তত্বং চিংতয তদিহ ভ্রাতঃ || 8 ||

সত্সংগত্বে নিস্সংগত্বং
নিস্সংগত্বে নির্মোহত্বম্ |
নির্মোহত্বে নিশ্চলতত্ত্বং
নিশ্চলতত্ত্বে জীবন্মুক্তিঃ || 9 ||

বযসি গতে কঃ কামবিকারঃ
শুষ্কে নীরে কঃ কাসারঃ |
ক্ষীণে বিত্তে কঃ পরিবারঃ
জ্ঞাতে তত্ত্বে কঃ সংসারঃ || 10 ||

মা কুরু ধনজন যৌবন গর্বং
হরতি নিমেষাত্-কালঃ সর্বম্ |
মাযামযমিদম্-অখিলং হিত্বা
ব্রহ্মপদং ত্বং প্রবিশ বিদিত্বা || 11 ||

দিন যামিন্যৌ সাযং প্রাতঃ
শিশির বসংতৌ পুনরাযাতঃ |
কালঃ ক্রীডতি গচ্ছত্যাযুঃ
তদপি ন মুংচত্যাশাবাযুঃ || 12 ||

দ্বাদশ মংজরিকাভির শেষঃ
কথিতো বৈযা করণস্যৈষঃ |
উপদেশো ভূদ্-বিদ্যা নিপুণৈঃ
শ্রীমচ্ছংকর ভগবচ্ছরণৈঃ || 13 ||

কা তে কাংতা ধন গত চিংতা
বাতুল কিং তব নাস্তি নিযংতা |
ত্রিজগতি সজ্জন সংগতিরেকা
ভবতি ভবার্ণব তরণে নৌকা || 14 ||

জটিলো মুংডী লুংজিত কেশঃ
কাষাযান্বর বহুকৃত বেষঃ |
পশ্যন্নপি চ ন পশ্যতি মূঢঃ
উদর নিমিত্তং বহুকৃত বেষঃ || 15 ||

অংগং গলিতং পলিতং মুংডং
দশন বিহীনং জাতং তুংডম্ |
বৃদ্ধো যাতি গৃহীত্বা দংডং
তদপি ন মুংচত্যাশা পিংডম্ || 16 ||

অগ্রে বহ্নিঃ পৃষ্ঠে ভানুঃ
রাত্রৌ চুবুক সমর্পিত জানুঃ |
করতল ভিক্ষস্-তরুতল বাসঃ
তদপি ন মুংচত্যাশা পাশঃ || 17 ||

কুরুতে গংগা সাগর গমনং
ব্রত পরিপালনম্-অথবা দানম্ |
জ্ঞান বিহীনঃ সর্বমতেন
ভজতি ন মুক্তিং জন্ম শতেন || 18 ||

সুরমংদির তরু মূল নিবাসঃ
শয্যা ভূতলম্-অজিনং বাসঃ |
সর্ব পরিগ্রহ ভোগত্যাগঃ
কস্য সুখং ন করোতি বিরাগঃ || 19 ||

যোগরতো বা ভোগরতো বা
সংগরতো বা সংগবিহীনঃ |
যস্য ব্রহ্মণি রমতে চিত্তং
নংদতি নংদতি নংদত্যেব || 20 ||

ভগবদ্গীতা কিংচিদধীতা
গংগা জললব কণিকা পীতা |
সকৃদপি যেন মুরারী সমর্চা
ক্রিযতে তস্য যমেন ন চর্চা || 21 ||

পুনরপি জননং পুনরপি মরণং
পুনরপি জননী জঠরে শযনম্ |
ইহ সংসারে বহু দুস্তারে
কৃপযাঽপারে পাহি মুরারে || 22 ||

রথ্যা চর্পট বিরচিত কংথঃ
পুণ্যাপুণ্য বিবর্জিত পংথঃ |
যোগী যোগ নিযোজিত চিত্তঃ
রমতে বালোন্মত্তবদেব || 23 ||

কস্ত্বং কোঽহং কুত আযাতঃ
কা মে জননী কো মে তাতঃ |
ইতি পরিভাবয নিজ সংসারং
সর্বং ত্যক্ত্বা স্বপ্ন বিচারম্ || 24 ||

ত্বযি মযি সর্বত্রৈকো বিষ্ণুঃ
ব্যর্থং কুপ্যসি ময্যসহিষ্ণুঃ |
ভব সমচিত্তঃ সর্বত্র ত্বং
বাংছস্যচিরাদ্-যদি বিষ্ণুত্বম্ || 25 ||

শত্রৌ মিত্রে পুত্রে বংধৌ
মা কুরু যত্নং বিগ্রহ সংধৌ |
সর্বস্মিন্নপি পশ্যাত্মানং
সর্বত্রোত্-সৃজ ভেদাজ্ঞানম্ || 26 ||

কামং ক্রোধং লোভং মোহং
ত্যক্ত্বাঽঽত্মানং পশ্যতি সোঽহম্ |
আত্মজ্ঞ্নান বিহীনা মূঢাঃ
তে পচ্যংতে নরক নিগূঢাঃ || 27 ||

গেযং গীতা নাম সহস্রং
ধ্যেযং শ্রীপতি রূপম্-অজস্রম্ |
নেযং সজ্জন সংগে চিত্তং
দেযং দীনজনায চ বিত্তম্ || 28 ||

সুখতঃ ক্রিযতে রামাভোগঃ
পশ্চাদ্ধংত শরীরে রোগঃ |
যদ্যপি লোকে মরণং শরণং
তদপি ন মুংচতি পাপাচরণম্ || 29 ||

অর্থমনর্থং ভাবয নিত্যং
নাস্তি ততঃ সুখ লেশঃ সত্যম্ |
পুত্রাদপি ধনভাজাং ভীতিঃ
সর্বত্রৈষা বিহিতা রীতিঃ || 30 ||

প্রাণাযামং প্রত্যাহারং
নিত্যানিত্য বিবেক বিচারম্ |
জাপ্যসমেত সমাধি বিধানং
কুর্ব বধানং মহদ্-অবধানম্ || 31 ||

গুরু চরণাংভুজ নির্ভরভক্তঃ
সংসারাদ্-অচিরাদ্-ভব মুক্তঃ |
সেংদিয মানস নিযমাদেবং
দ্রক্ষ্যসি নিজ হৃদযস্থং দেবম্ || 32 ||

মূঢঃ কশ্চিন বৈযাকরণো
ডুকৃণ্করণাধ্যযন ধুরীণঃ |
শ্রীমচ্ছংকর ভগবচ্চিষ্যৈঃ
বোধিত আসীচ্ছোদিত করণৈঃ || 33 ||

PDF, Full Site (with more options)