Back

অন্নময্য কীর্তন রাধা মাধব রতি চরিতমিতি

রাধামাধবরতিচরিতমিতি
বোধাবহং শ্রুতিভূষণং ||

গহনে দ্বাবপি গত্বা গত্বা
রহসি রতিং প্রেরযতি সতি |
বিহরতস্তদা বিলসংতৌ
বিহতগৃহাশৌ বিবশৌ তৌ ||

লজ্জাশভ঳ বিলাসলীলযা
কজ্জলনযন বিকারেণ |
হৃজ্জাব্যবনহিত হৃদযা রতি
স্সজ্জা সংভ্রমচপলা জাতা ||

পুরতো যাংতং পুরুষং বকু঳ৈঃ
কুরংটকৈর্বা কুটজৈর্বা |
পরমং প্রহরতি পশ্চাল্লগ্না-
গিরং বিনাসি বিকিরতি মুদং ||

হরি সুরভূরুহ মারোহতীব
চরণেন কটিং সংবেষ্ট্য |
পরিরংচণ সংপাদিতপুলকৈ
স্সুরুচির্জাতা সুমলতিকেব ||

বিধুমুখদর্শন বিক঳িতলজ্জা-
ত্বধরবিংবফলমাস্বাদ্য |
মধুরোপাযনমার্গেণ কুচৌ
নিধিবদ ত্বা নিত্যসুখমিতা ||

সুরুচিরকেতক সুমদ঳ নখরৈ-
র্বরচিবুকং সা পরিবৃত্য |
তরুণিমসিংধৌ তদীযদৃগ্জল-
চরযুগ঳ং সংসক্তং চকার ||

বচন বিলাসৈর্বশীকৃত তং
নিচুলকুংজ মানিতদেশে |
প্রচুরসৈকতে পল্লবশযনে-
রচিতরতিক঳া রাগেণাস ||

অভিনবকল্যাণাংচিতরূপা-
বভিনিবেশ সংযতচিত্তৌ |
বভূবতু স্তত্পরৌ বেংকট
বিভুনা সা তদ্বিধিনা সতযা ||

সচ লজ্জাবীক্ষণো ভবতি তং
কচভরাং গংধং ঘাপযতি |
নচলতিচেন্মানবতী তথাপি
কুচসংগাদনুকূলযতি ||

অবনতশিরসাপ্যতি সুভগং
বিবিধালাপৈর্বিবশযতি |
প্রবিমল কররুহরচন বিলাসৈ
র্ভুবনপতি তং ভূষযতি ||

লতাগৃহমে঳নং নবসৈ
কতবৈভব সৌখ্যং দৃষ্ট্বা |
ততস্ততশ্চরসৌ কেলী-
ব্রতচর্যাং তাং বাংছংতৌ |

বনকুসুম বিশদবরবাসনযা-
ঘ্নসাররজোগংধৈশ্চ |
জনযতি পবনে সপদি বিকারং-
বনিতা পুরুষৌ জনিতাশৌ ||

এবং বিচরন্ হেলা বিমুখ-
শ্রীবেংকটগিরি দেবোযং |
পাবনরাধাপরিরংভসুখ-
শ্রী বৈভবসুস্থিরো ভবতি ||

PDF, Full Site (with more options)